ՍԴ-ն սկսեց պարտադիր կուտակայինի հարցով քննությունը

Հայաստանի Սահմանադրական դատարանը այսօր առավոտյան սկսեց քննել պարտադիր կուտակային կենսաթոշակների մասին օրենքի սահմանադրականությունը:

Վիճահարույց օրենքի հարցով անցած տարեվերջին Սահմանադրական դատարան են դիմել Ազգային ժողովի չորս ոչ իշխանական խմբակցությունների՝ «Բարգավաճ Հայաստան»-ի, Հայ ազգային կոնգրեսի, ՀՅ Դաշնակցության և «Ժառանգության» պատգամավորները: