1988 թվականի երկրաշարժը այն հավաքական ողբերգական հուշն է, որ կմնա հավերժ։ Ինչպե՞ս ենք մենք վերաբերվում այն ողբերգությանը, որ դեռ շարունակվում է ավելի քան 4 հազար 200 ընտանիքներում, ինչպե՞ս են ապրում այդ մարդիկ երկրաշարժից հետո, իսկ գրեթե ամեն տարի հռչակվող աղետի գոտու կառուցման ավարտը արդյոք իրականությո՞ւն է, թե՞ ոչ։ Այդ հարցերի պատասխանն է փորձել ստանալ Հրայր Թամրազյանը՝ այցելելով Գյումրի, որտեղ 25 տարի առաջ տեղի ունեցած սարսափելի աղետի հետևանքով շուրջ 17 հազար մարդ զոհվեց, 22 հազար բնակարան ավերվեց։