Տրանսպորտի թանկացման դեմ արտահայտվող, մասնագիտությամբ սոցիոլոգ Սոնյա Մսրյանն ասում է՝ սակագնի բարձրացման անհրաժեշտության մասին Տարոն Մարգարյանի հայտարարությունը ոչ թե քաղաքապետի, այլ գծատիրոջ խոսք էր։
«Մենք պետք է մտածենք ոչ միայն այսօրվա, այլև վաղվա մասին։ Եթե տրանսպորտի խնդրին լուծում չտանք, ապա երկու տարի հետո Երևան քաղաքում տրանսպորտ չի լինի»,- կանխատեսել է քաղաքապետ Մարգարյանն ու հիշեցրել 90-ական թվականների սկիզբը, երբ քաղաքում տրանսպորտի լուրջ խնդիր կար։
«Դա հստակ շանտաժի էլեմենտներ էր պարունակում։ Քաղաքապետարանի պարտականությունն է ցանկացած պարագայում հասարակությանը ապահովել նորմալ տրանսպորտային միջոցներով։ Իսկ եթե քաղաքապետը չի կարողանում դա ապահովել, ապա կարելի է ենթադրել, որ նա այստեղ հետապնդում է միայն իր մասնավոր գծատիրոջ շահերը»,- ասում է Մսրյանը։
Տրանսպորտի ուղեվարձի վերանայման հարցով Մարգարյանի որոշմամբ ստեղծված հանձնաժողովի երկու անդամներ «Ազատության» հետ զրույցում ասացին՝ 100 դրամով էլ հնարավոր է քաղաքակիրթ ուղևորափոխադրում ապահովել։
«Ավտովարորդների պաշտպանության լիգա» իրավաբանական անձանց միության նախագահ Տիգրան Հովհաննիսյանը այլևս չի ցանկանում աշխատել այդ հանձնաժողովում։ Նա այդ մասին դիմումով տեղեկացրել է Տարոն Մարգարյանին։ Հովհաննիսյանն ասաց՝ համակարգային փոփոխություններ է առաջարկել, որոնք հանձնաժողովը չի ցանկացել ընդունել, գծատերերի լիազորությունները, տեխզննում, բուժզննում, չվացուցակների կանոնավորություն՝ պետությանը պետք է վերադարձնել։ Փոխարենը հանձնաժողովը քննարկել է, նրա ձևակերպմամբ, թանկացումներ հիմնավորող արհեստական փաստարկներ՝ հավելյալ ծախսերի շարքում գազալցակայանում լիցքավորողի 500 դրամ թեյավճարն է ներառել այնտեղ, նաև վարորդների համար աշխատավարձ սահմանել՝ 160 հազար դրամի չափով և հավելել, թե մեկ երթուղայինը ցանկալի է, որ օրվա ընթացքում երկու վարորդ սպասարկի։
«Երկու վարորդ կյանքում ունեցե՞լ ենք անկախությունից հետո»,- հարցնում է Հովհաննիսյանը։
«Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը տրանսպորտի սակագինը թանկացնելու հանձնաժողովի փաստարկների մասին ասաց՝ հորինված ծախսեր են։
«Մենք միջոց չունենք, այնքան միջոց չունենք, որ կարող է գրասենյակը շուտով հանձնենք, բայց ես անձամբ երաշխավորում եմ՝ միջազգային աուդիտորի դիմենք, ու եթե միջազգային աուդիտորը դրական եզրակացություն կտա, ես իմ գրպանից փորձաքննության գումարը կվճարեմ, բայց եթե բացասական եզրակացություն տա, պետք է քաղաքապետարանը վճարի, որովհետև այնտեղ ծախս կան, որ հաշվապահական հաշվառման մեջ նման ծախս գոյություն չունի։ Դա հորինված ծախս է»,- ասաց Պիպոյանը։
«Իրազեկ և պաշտպանված սպառող» հկ-ի նախագահը կարծում է՝ թանկացմամբ շահագրգիռները սպասում են ցուրտ օրերին։
«Որ պայքարի մղվող քաղաքացու համար դժվար լինի, որ քաղաքացիական պայքար չլինի», - ասում է Պիպոյանը։
Ժամանակին քաղաքային տրանսպորտով երթևեկած, այժմ ծառայողական մեքենայից օգտվող Երևանի փոխքաղաքապետ Կամո Արեյանը պնդում է՝ քաղաքապետարանի համար շահառուների և գծատերերի շահը համահավասար է։ Դրանով հանդերձ փոխքաղաքապետը թանկացումն անհրաժեշտ է համարում, ավելի պատկերավոր՝ մարդիկ կքած չեն երթևեկի։ Հարցին, թե մինչև հիմա ինչո՞ւ չի պահանջել, Արեյանը պատասխանում է՝ «մի օր պիտի արվեր»։
Մութ խաղեր են խաղում, թանկացման հեռանկարի մասին ասում է «Ավտովարորդների պաշտպանության լիգա»-ի նախագահ Տիգրան Հովհաննիսյանը։ Նրա խոսքով՝ «Երևանտրանսի» աշխատակիցները, որոնք միայն չվացուցակների կանոնավորությունը վերահսկելու լիազորություններ ունեն, 500 դրամ թեյավճարով աչք են փակում խախտումների վրա, ինչո՞ւ պետք է իրավիճակ փոխվի։
«Որ օրական 2000 տրանսպորտային միջոց դուրս գա, դա անում է մեկ միլիոն դրամ ստվերային շրջանառություն»,- ասում է Հովհաննիսյանը։
«Մենք պետք է մտածենք ոչ միայն այսօրվա, այլև վաղվա մասին։ Եթե տրանսպորտի խնդրին լուծում չտանք, ապա երկու տարի հետո Երևան քաղաքում տրանսպորտ չի լինի»,- կանխատեսել է քաղաքապետ Մարգարյանն ու հիշեցրել 90-ական թվականների սկիզբը, երբ քաղաքում տրանսպորտի լուրջ խնդիր կար։
«Դա հստակ շանտաժի էլեմենտներ էր պարունակում։ Քաղաքապետարանի պարտականությունն է ցանկացած պարագայում հասարակությանը ապահովել նորմալ տրանսպորտային միջոցներով։ Իսկ եթե քաղաքապետը չի կարողանում դա ապահովել, ապա կարելի է ենթադրել, որ նա այստեղ հետապնդում է միայն իր մասնավոր գծատիրոջ շահերը»,- ասում է Մսրյանը։
Տրանսպորտի ուղեվարձի վերանայման հարցով Մարգարյանի որոշմամբ ստեղծված հանձնաժողովի երկու անդամներ «Ազատության» հետ զրույցում ասացին՝ 100 դրամով էլ հնարավոր է քաղաքակիրթ ուղևորափոխադրում ապահովել։
«Ավտովարորդների պաշտպանության լիգա» իրավաբանական անձանց միության նախագահ Տիգրան Հովհաննիսյանը այլևս չի ցանկանում աշխատել այդ հանձնաժողովում։ Նա այդ մասին դիմումով տեղեկացրել է Տարոն Մարգարյանին։ Հովհաննիսյանն ասաց՝ համակարգային փոփոխություններ է առաջարկել, որոնք հանձնաժողովը չի ցանկացել ընդունել, գծատերերի լիազորությունները, տեխզննում, բուժզննում, չվացուցակների կանոնավորություն՝ պետությանը պետք է վերադարձնել։ Փոխարենը հանձնաժողովը քննարկել է, նրա ձևակերպմամբ, թանկացումներ հիմնավորող արհեստական փաստարկներ՝ հավելյալ ծախսերի շարքում գազալցակայանում լիցքավորողի 500 դրամ թեյավճարն է ներառել այնտեղ, նաև վարորդների համար աշխատավարձ սահմանել՝ 160 հազար դրամի չափով և հավելել, թե մեկ երթուղայինը ցանկալի է, որ օրվա ընթացքում երկու վարորդ սպասարկի։
«Երկու վարորդ կյանքում ունեցե՞լ ենք անկախությունից հետո»,- հարցնում է Հովհաննիսյանը։
«Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը տրանսպորտի սակագինը թանկացնելու հանձնաժողովի փաստարկների մասին ասաց՝ հորինված ծախսեր են։
«Մենք միջոց չունենք, այնքան միջոց չունենք, որ կարող է գրասենյակը շուտով հանձնենք, բայց ես անձամբ երաշխավորում եմ՝ միջազգային աուդիտորի դիմենք, ու եթե միջազգային աուդիտորը դրական եզրակացություն կտա, ես իմ գրպանից փորձաքննության գումարը կվճարեմ, բայց եթե բացասական եզրակացություն տա, պետք է քաղաքապետարանը վճարի, որովհետև այնտեղ ծախս կան, որ հաշվապահական հաշվառման մեջ նման ծախս գոյություն չունի։ Դա հորինված ծախս է»,- ասաց Պիպոյանը։
«Իրազեկ և պաշտպանված սպառող» հկ-ի նախագահը կարծում է՝ թանկացմամբ շահագրգիռները սպասում են ցուրտ օրերին։
«Որ պայքարի մղվող քաղաքացու համար դժվար լինի, որ քաղաքացիական պայքար չլինի», - ասում է Պիպոյանը։
Ժամանակին քաղաքային տրանսպորտով երթևեկած, այժմ ծառայողական մեքենայից օգտվող Երևանի փոխքաղաքապետ Կամո Արեյանը պնդում է՝ քաղաքապետարանի համար շահառուների և գծատերերի շահը համահավասար է։ Դրանով հանդերձ փոխքաղաքապետը թանկացումն անհրաժեշտ է համարում, ավելի պատկերավոր՝ մարդիկ կքած չեն երթևեկի։ Հարցին, թե մինչև հիմա ինչո՞ւ չի պահանջել, Արեյանը պատասխանում է՝ «մի օր պիտի արվեր»։
Մութ խաղեր են խաղում, թանկացման հեռանկարի մասին ասում է «Ավտովարորդների պաշտպանության լիգա»-ի նախագահ Տիգրան Հովհաննիսյանը։ Նրա խոսքով՝ «Երևանտրանսի» աշխատակիցները, որոնք միայն չվացուցակների կանոնավորությունը վերահսկելու լիազորություններ ունեն, 500 դրամ թեյավճարով աչք են փակում խախտումների վրա, ինչո՞ւ պետք է իրավիճակ փոխվի։
«Որ օրական 2000 տրանսպորտային միջոց դուրս գա, դա անում է մեկ միլիոն դրամ ստվերային շրջանառություն»,- ասում է Հովհաննիսյանը։
