Հայաստանի ազգային հավաքականի գլխավոր մարզիչ Վարդան Մինասյանը կարծում է, որ թեև Իտալիան արդեն ապահովել է աշխարհի առաջնության եզրափակիչ փուլի իր ուղեգիրը, բայց դա չի խանգարելու, որ այսօրվա խաղում իտալացիները ձգտեն միայն հաղթանակի։ Հայաստանի ֆուտբոլի ֆեդերացիայի պաշտոնական կայքէջում տեղադրված տեսանյութի համաձայն՝ Մինասյանը ասել է, որ թեև Իտալիան այս խմբում ուժեղագույն թիմն է, բայց Հայաստանի հավաքականը մեծ պոտենցիալ ունի, որ այս խաղում հաղթանակը հնարավոր է։