Խորհրդարանական ընտրություններում նախագահ Սերժ Սարգսյանի աջակցությունը ստացած գործարար պատգամավոր Սամվել Ալեքսանյանը Փակ շուկայի հետ արեց այն, ինչ ուզում էր՝ ընդամենը վճարելով 2.7 միլիոն դրամի (մոտ 6500 դոլար) տուգանք: Նրա կամայականությունների դեմ անզոր գտնվեց մի ամբողջ նախարարություն, մի ամբողջ քաղաքապետարան, և ինչպես Երևանի նախկին գլխավոր ճարտարապետ Նարեկ Սարգսյանն էր խոստովանել՝ բազմաթիվ ջանքերը օգուտ չտվեցին և հուշարձանը աղճատվեց: