Հայ-թուրքական հարաբերությունների հարցը քննարկման առարկա՝ Եվրախորհրդարանում

Հայ-թուրքական արձանագրությունների ստորագրումից 4 տարի անց Եվրախորհրդարանում դեռ քննարկում են հայ-թուրքական հարաբերություններն ու սահմանի բացման հարցը: Եվրոպացի պատգամավորներն այս անգամ եկել էին լսելու Թուրքիայից հրավիրված լրագրող Չենգիզ Աքտարի և Հայաստանից քաղաքական վերլուծաբան Ռիչարդ Կիրակոսյանի ելույթներն այն մասին, թե արդյո՞ք հնարավոր է վերադարձնել արձանագրությունները քննարկման սեղանին և որո՞նք են հնարավոր քայլերը, որ կտանեն հայ-թուրքական հարաբերությունների բարելավմանը: