Բերման են ենթարկվել նստացույց անող չորս ակտիվիստներ

Այս գիշեր ոստիկանները բերման են ենթարկել քաղաքապետարանի առջև նստացույց անող չորս ակտիվիստների, ովքեր փորձել են քնելու նպատակով պառկել մուտքի աստիճանահարթակին: Ակտիվիստները ոստիկանության բաժնում պահվել են երեք ժամ և բաց են թողնվել: Նրանք տուգանվել են 50 հազարական դրամով` վարչական իրավախախտումների վերբերյալ օրենսգրքի 182-րդ հոդվածով, որը ոստիկանության ծառայողի օրինական կարգադրությանը կամ պահանջին չարամտորեն չենթարկվելն է, սակայն մտադիր չեն վճարել գումարը և պատրաստվում են բողոքարկել որոշումը դատարանում: