Շուրջ երեք ամիս սոցիալական խնդիրների լուծման նպատակով բողոքի ակցիաներ անցկացնող Ղարաբաղյան պատերազմի վետերանների պայքարը քաղաքական երանգներ է ստանում: Առանց իշխանությունների հրաժարականը պահանջելու՝ նրանք սկսում են առավել սուր գնահատականներ ու արտահայտություններ հնչեցնել իշխանությունների հասցեին, հենց նրան մեղադրել երկրի սոցիալ-տնտեսական վատ վիճակի, արտագաղթի, կոռուպցիայի, անարդարության, հասարակության շրջանում առկա դժգոհությունների համար։