Վարչապետ Տիգրան Սարգսյանն այսօր ընդունել է Ազատության հրապարակում նստացույց անող ազատամարտիկներից մի քանիսին։ Հանդիպումից հետո ղարաբաղյան պատերազմի վետերան Վոլոդյա Ավետիսյանը պատմեց, որ Տիգրան Սարգսյանը շուրջ երկու ժամ լսել է իրենց։ Ազատամարտիկի տպավորությամբ, վարչապետը ցանկություն ունի օգնելու։ Մինչ այդ ազատամարտիկները դադարեցնում են նստացույցը, իսկ հունիսի 16-ին հավաք կանցկացնեն Ազատության հրապարակում։