Երեւանի Փակ շուկայում թեեւ այս պահին շինարարություն չի ընթանում, բայցեւ չեն կատարվում քանդված կամարների վերականգնման կամ շուկայի վերգետնյա մասում առանց թույլտվության կառուցված հարկի ապամոնտաժման աշխատանքներ:
Հունիսի 4-ին «Ժառանգություն» խմբակցության քարտուղար Զարուհի Փոստանջյանը հանցագործության մասին հաղորդում է ուղարկել ՀՀ գլխավոր դատախազին, ՀՀ հատուկ քննչական ծառայության պետին, ՀՀ ոստիկանապետին եւ ՀՀ մարդու իրավունքների պաշտպանին` նշելով այն իրավական հիմքերը, ըստ որոնց Փակ շուկան կառուցապատողին եւ Երեւանի քաղաքապետ Տարոն Մարգարյանին պետք է կանչել քրեական պատասխանտվության:
«Կա Քրեական օրենսգրքով նախատեսված մի քանի հանցակազմ. առաջինը կառուցապատողի կողմից հուշարձանը վնասելն է», - «Ազատություն» ռադիոկայանի հետ զրույցում նշեց պատգամավորը:
Հաջորդ իրավական հիմնավորումը, որը իր նամակում նշել է պատգամավորը, Քրեական օրեսգրքրի 315-րդ հոդվածն է, ըստ որի պատժվում է «շենքի ինքնակամ կառուցումը չդադեցնելը կամ անօրինական կառույցը չքանդելը», նաեւ` «այս ուղղությամբ միջոցներ չձեռնարկելը»: Հոդվածի երկրորդ մասով պատասխանատվության են կանչվում արդեն պետական ծառայողները:
«Այս հանցակազմերը վերաբերում են նաեւ Երեւանի քաղաքապետ Տարոն Մարգարյանին, որովհետեւ նա պատշաճ կարգով չի արձագանքել եւ իր լիազորությունների շրջանակում չի միջամտել: Սա խոսում է այն մասին, որ մեր համապատասխան մարմինները, քաղաքապետարանը, Ոստիկանությունը, Դատախազությունը, որոնք սահմանված կարգով պետք է հսկեն, պաշտպանեն, վերականգնեն մեր իրավունքները, թույլ են տալիս անգործություն», - ասաց պատգամավորը:
Քաղաքապետարանը երկու անգամ վարչական պատասխանատվության է ենթարկել Փակ շուկան կառուցապատողին` 200 հազար դրամ եւ 2 500 000 դրամ:
Ինչպես Մշակույթի նախարարը, այդպես էլ Քաղաքաշինության նախարարը այս հարցով երկու անգամ դիմել են Երեւանի քաղաքապետին: Քաղաքաշինության նախարարը նշել է, որ անհրաժեշտ է դադարեցնել շինարարությունը եւ վերացնել ինքնակամ շինարարության հետեւանքները: Թեեւ, ինչպես ավելի ուշ նշվել է նաեւ Քաղաքաշինության նախարարության հաղորդագրությունում, շինարարություն այնտեղ չի ընթանում, տեղի չի ունենում նաեւ ապամոնտաժման աշխատանք, ինչը իրավունք է տալիս Երեւանի քաղաքապետարանին դիմել դատարան:
«Մեկ տարվա ընթացքում եթե որեւէ մեկը երկու անգամ ենթարկվում է վարչական պատասխանատվության, արդեն հաջորդում է ավելի խիստ պատիժը նախատեսված Քրեական օրենսգրքով», - ավելացրեց Զարուհի Փոստանջյանը:
Պատգամավորը նաեւ ասաց, թե, իր կարծիքով, ինչու Փակ շուկայի հարցով մինչեւ հիմա չեն զբաղվել իրավապահ մարմինները եւ ինչու քայլեր չի ձեռնարկում քաղաքապետարանը, - «Նրանք բոլորը ուղղակի պաշտպանում են Հանրապետական կուսակցության պատգամավորին»:
Հիշեցնենք, որ թեեւ ըստ փաստաթղթերի Փակ շուկան կառուցապատողը իշխող կուսակցության խորհրդարանական խմբակցության անդամ Սամվել Ալեքսանյանը չէ, բայց նա չի հերքել, որ կառուցապատումը իրականացնում է իրեն պատկանող ընկերությունը:
Հունիսի 4-ին «Ժառանգություն» խմբակցության քարտուղար Զարուհի Փոստանջյանը հանցագործության մասին հաղորդում է ուղարկել ՀՀ գլխավոր դատախազին, ՀՀ հատուկ քննչական ծառայության պետին, ՀՀ ոստիկանապետին եւ ՀՀ մարդու իրավունքների պաշտպանին` նշելով այն իրավական հիմքերը, ըստ որոնց Փակ շուկան կառուցապատողին եւ Երեւանի քաղաքապետ Տարոն Մարգարյանին պետք է կանչել քրեական պատասխանտվության:
«Կա Քրեական օրենսգրքով նախատեսված մի քանի հանցակազմ. առաջինը կառուցապատողի կողմից հուշարձանը վնասելն է», - «Ազատություն» ռադիոկայանի հետ զրույցում նշեց պատգամավորը:
Հաջորդ իրավական հիմնավորումը, որը իր նամակում նշել է պատգամավորը, Քրեական օրեսգրքրի 315-րդ հոդվածն է, ըստ որի պատժվում է «շենքի ինքնակամ կառուցումը չդադեցնելը կամ անօրինական կառույցը չքանդելը», նաեւ` «այս ուղղությամբ միջոցներ չձեռնարկելը»: Հոդվածի երկրորդ մասով պատասխանատվության են կանչվում արդեն պետական ծառայողները:
«Այս հանցակազմերը վերաբերում են նաեւ Երեւանի քաղաքապետ Տարոն Մարգարյանին, որովհետեւ նա պատշաճ կարգով չի արձագանքել եւ իր լիազորությունների շրջանակում չի միջամտել: Սա խոսում է այն մասին, որ մեր համապատասխան մարմինները, քաղաքապետարանը, Ոստիկանությունը, Դատախազությունը, որոնք սահմանված կարգով պետք է հսկեն, պաշտպանեն, վերականգնեն մեր իրավունքները, թույլ են տալիս անգործություն», - ասաց պատգամավորը:
Քաղաքապետարանը երկու անգամ վարչական պատասխանատվության է ենթարկել Փակ շուկան կառուցապատողին` 200 հազար դրամ եւ 2 500 000 դրամ:
Ինչպես Մշակույթի նախարարը, այդպես էլ Քաղաքաշինության նախարարը այս հարցով երկու անգամ դիմել են Երեւանի քաղաքապետին: Քաղաքաշինության նախարարը նշել է, որ անհրաժեշտ է դադարեցնել շինարարությունը եւ վերացնել ինքնակամ շինարարության հետեւանքները: Թեեւ, ինչպես ավելի ուշ նշվել է նաեւ Քաղաքաշինության նախարարության հաղորդագրությունում, շինարարություն այնտեղ չի ընթանում, տեղի չի ունենում նաեւ ապամոնտաժման աշխատանք, ինչը իրավունք է տալիս Երեւանի քաղաքապետարանին դիմել դատարան:
«Մեկ տարվա ընթացքում եթե որեւէ մեկը երկու անգամ ենթարկվում է վարչական պատասխանատվության, արդեն հաջորդում է ավելի խիստ պատիժը նախատեսված Քրեական օրենսգրքով», - ավելացրեց Զարուհի Փոստանջյանը:
Պատգամավորը նաեւ ասաց, թե, իր կարծիքով, ինչու Փակ շուկայի հարցով մինչեւ հիմա չեն զբաղվել իրավապահ մարմինները եւ ինչու քայլեր չի ձեռնարկում քաղաքապետարանը, - «Նրանք բոլորը ուղղակի պաշտպանում են Հանրապետական կուսակցության պատգամավորին»:
Հիշեցնենք, որ թեեւ ըստ փաստաթղթերի Փակ շուկան կառուցապատողը իշխող կուսակցության խորհրդարանական խմբակցության անդամ Սամվել Ալեքսանյանը չէ, բայց նա չի հերքել, որ կառուցապատումը իրականացնում է իրեն պատկանող ընկերությունը:
