Հայաստանի նախագահ եւ նախագահի թեկնածու Սերժ Սարգսյանը չորեքշաբթի օրը շարունակեց իր նախընտրական հանդիպումները Սյունիքի մարզի ընտրողների հետ: Ագարակում, որտեղ հանդիպումը տեղի ունեցավ մշակույթի պալատում, մուտքը հրավիրատոմսերով էր: Թեեւ հանրապետական քաղաքապետը վստահեցնում էր, թե նախապես բոլոր ցանկացողները հրավիրատոմսեր են ստացել, սակայն ոմանք դժգոհում էին, թե իրենց մերժել են հրավիրատոմս տալ: