Ընդդիմադիր Հայ ազգային կոնգրեսի (ՀԱԿ) նախաձեռնած երթի հարյուրավոր մասնակիցները ազատության եւ իշխանափոխության կոչերով ու պաստառներով, թմբուկների ուղեկցությամբ քայլեցին Երեւանի կենտրոնական փողոցներով դեպի Եվրախորհրդի հայաստանյան գրասենյակ` պահանջելու, որպեսզի միջազգային հանրությունը պարտադրի Հայաստանի իշխանություններին կատարել մարդու իրավունքների պաշտպանության հարցում Եվրախորհրդի առջեւ ստանձնած պարտավորությունները: Կոնգրեսի առաջնորդ Լեւոն Տեր-Պետրոսյանը ներկա չէր երթին: