Ղարաբաղյան պատերազմի մասնակից Ջոզեֆի բազմանդամ ընտանիքն ապրում է Արմավիրի մարզի Մայիսյան գյուղում քարերով ու հողով ամրացված փոքրիկ, նեղլիկ, կիսախարխուլ ու խոնավ տանը: 8 դուստրերին լույս աշխարհ բերած տիկին Թագուհին ասում է, թե մեղք չգործելու համար է երեխաներին ունեցել, բայցեւ խոստովանում, որ հիմա իրեն կրկնակի մեղավոր է զգում: Մի քանի հավ, մի կով ու պետությունից ստացած 48 000 դրամ նպաստ, սա է բազմանդամ ընտանիքի գոյատեւման հիմնական աղբյուրը: Ընտանիքում մեծից փոքր տուն են երազում: