Հայաստանի ոստիկանապետ Վլադիմիր Գասպարյանը հինգշաբթի օրը կառավարության նիստից հետո լրագրողների հետ զրույցում անդրադարձավ իր վարած կադրային քաղաքականությանը, Ճանապարհային ոստիկանության նախկին պետ Մարգար Օհանյանի խափանման միջոցին եւ այլ հարցերի:
Նախկին ոստիկանապետ, այժմ նախագահի խորհրդական Ալիկ Սարգսյանը երեքշաբթի օրը «Ազատություն» ռադիոկայանի հետ զրույցում համոզմունք էր հայտնել, թե Ճանապարհային ոստիկանության նախկին պետ Մարգար Օհանյանի խափանման միջոցը պետք է փոխվի, եւ նա պետք է ազատության մեջ լինի: Ոստիկանապետ Վլադիմիր Գասպարյանն այսօր ասաց` այս հարցում «իր կարծիքը համահունչ է օրենքին»:
«Ես չեմ կարող ինչ-որ էմոցիոնալ ցանկություններով հայտարարություններ անել եւ չեմ էլ կարծում, որ ես այն մարդն եմ, որ պետք է էմոցիաներ դրսեւորեմ ու ասեմ` «հարգում եմ, սիրում եմ, դրա համար գտնում եմ»... ո'չ», - ասաց նա:
Ոստիկապետի պաշտոնը ստանձնելուց հետո իրականացրած կադրային փոփոխությունների վերաբերյալ Գասպարյանի պարզաբանումը հետեւյալն էր. - «Պայմանավորված են աշխատանքներն ավելի արդյունավետ դարձնելու [նպատակով], իսկ հիմնավորումը այն բացահայտումներն են, այն ռեժիմը, որով աշխատում ենք: Ավելորդ, անհարկի ուռճացրած ստորաբաժանումներ, ոչ ճիշտ բաշխված աշխատանք... հիմա ավելի մոբիլ է դառնում, ավելի աշխատունակ: Կան կադրեր, որոնք գնում են, որովհետեւ համարում եմ, որ սպառել են իրենց, եւ իրենք համաձայնում են ինձ հետ, կան մարդիկ, ովքեր ուղղակի զբոսաշրջիկի կարգավիճակ են ունեցել, արդյունավետությունը զրո է, պետք է չլինեն, եղել են նաեւ «անշարժ գույքեր»:
Խոսելով Անձնագրային եւ վիզային վարչության պետի պաշտոնից Նորայր Մուրադխանյանին ազատելու եւ կադրերի ռեզերվ ուղարկելու մասին, ոստիկանապետն ասաց. - «Դա նշանակում է, որ նա ստանում է իր աշխատավարձը, նա աշխատում է, տեղաբաշխումն էլ նշանակում է ռոտացիա, դա նշանակում է աշխատանքն ավելի արդյունավետ անել: Մարդը 17 տարի չի եղել արձակուրդում, թող մի երկու ամիս էլ հանգստանա, ոչի'նչ, նորմալ է: Եթե ազատված չէ համակարգից, ուրեմն, իհարկե, նշանակվի նոր աշխատանքի: Կադրերի ռեզերվ գնում են նաեւ այն մարդիկ, ովքեր ուղղակի ավելի ճիշտ տեղ պետք է նշանակվեն»:
Ոստիկապետը հավաստիացրեց, որ պիտանի մարդիկ ու նորմալ աշխատակիցները համակարգից դուրս չեն մնա: Գասպարյանը իր արածը կադրային ջարդ որակելը տեղին չի համարում:
Ոստիկանապետն անդրադարձավ նաեւ Արթիկում ոստիկանին ծեծի ենթարկելու փաստին:
«Հայաստանի Հանրապետության ոստիկանությունը երբեք չի հանդուրժի ոչ մեկին, ոչ մի երեւույթի, որ ոստիկան առեւանգեն, ոստիկանի վրա ճնշումներ գործադրեն: Ես նաեւ չեմ հանդուրժի, երբ ոստիկանը այդպես վարվի քաղաքացու հետ: Սա սկզբունք է, այդ սկզբունքը ես երբեք չեմ դավաճանել: Ոստիկանին առեւանգել են, ոստիկանը լավ ոստիկան է, եւ ցանկացած դեպքում, երբ ոտնձգություն կլինի ոստիկանության հանդեպ, ում կողմից էլ լինի, ամենախստագույնս կպատժվի», - ասաց նա:
Անցա տարվա ապրիլին նախկին ոստիկանապետ Ալիկ Սարգսյանը հայտարարել էր, թե օրորոցում անմիջապես կպատժվի նա, ով կփորձի հեղափոխական ճանապարհով ինչ-որ բան փոխել: Ոստիկանապետ Վլադիմիր Գասպարյանի մոտեցումը հեղափոխությանը հետեւյալն է. - «Ես մի անգամ արել եմ հեղափոխություն, 89 թվականին մասնակից եմ եղել, եւ այլ հեղափոխություններ ես չեմ ակնկալում: Ես մազոխիստական բաներով չեմ տառապում, ես ավելի կողմնակից եմ խաղաղության: Սկզբից եղել է խոսքը», - ասաց նա:
Ոստիկանապետը չհերքեց, որ իր կինը հիմա ոստիկանությունում է աշխատում, զբաղեցնում է ռեֆերենտի պաշտոն, իսկ կոչումով փոխգնդապետ է: Ինչ վերաբերում է ոստիկանի հանդեպ հանրության վստահության վերականգնմանը, ապա Գասպարյանի խոսքով` ոստիկանները կորցրել են իրենց հեղինակությունը, եւ այժմ սթափվելու ժամանակն է:
«Այ, որ ասում եք, Գասպարյանն ասել է միլիցա-պեպելնիցա... ես իմ կոլեկտիվին եմ ասել, իմ ընկերներին, որոնց հետ տարիներ շարունակ աշխատել եմ, որ, տղե'րք, մենք կորցրել ենք մեր հեղինակությունը, ոստիկանությունը վերածել ենք զբոսաշրջիկների, անշարժ գույքերի, վաշխառուների, քյոխվաների ապարատի: Մենք դա կորցրել ենք, քսան տարի շարունակ ենք կորցնում, սթափվելու ժամանակն է», - ասաց նա:
Նախկին ոստիկանապետ, այժմ նախագահի խորհրդական Ալիկ Սարգսյանը երեքշաբթի օրը «Ազատություն» ռադիոկայանի հետ զրույցում համոզմունք էր հայտնել, թե Ճանապարհային ոստիկանության նախկին պետ Մարգար Օհանյանի խափանման միջոցը պետք է փոխվի, եւ նա պետք է ազատության մեջ լինի: Ոստիկանապետ Վլադիմիր Գասպարյանն այսօր ասաց` այս հարցում «իր կարծիքը համահունչ է օրենքին»:
«Ես չեմ կարող ինչ-որ էմոցիոնալ ցանկություններով հայտարարություններ անել եւ չեմ էլ կարծում, որ ես այն մարդն եմ, որ պետք է էմոցիաներ դրսեւորեմ ու ասեմ` «հարգում եմ, սիրում եմ, դրա համար գտնում եմ»... ո'չ», - ասաց նա:
Ոստիկապետի պաշտոնը ստանձնելուց հետո իրականացրած կադրային փոփոխությունների վերաբերյալ Գասպարյանի պարզաբանումը հետեւյալն էր. - «Պայմանավորված են աշխատանքներն ավելի արդյունավետ դարձնելու [նպատակով], իսկ հիմնավորումը այն բացահայտումներն են, այն ռեժիմը, որով աշխատում ենք: Ավելորդ, անհարկի ուռճացրած ստորաբաժանումներ, ոչ ճիշտ բաշխված աշխատանք... հիմա ավելի մոբիլ է դառնում, ավելի աշխատունակ: Կան կադրեր, որոնք գնում են, որովհետեւ համարում եմ, որ սպառել են իրենց, եւ իրենք համաձայնում են ինձ հետ, կան մարդիկ, ովքեր ուղղակի զբոսաշրջիկի կարգավիճակ են ունեցել, արդյունավետությունը զրո է, պետք է չլինեն, եղել են նաեւ «անշարժ գույքեր»:
Խոսելով Անձնագրային եւ վիզային վարչության պետի պաշտոնից Նորայր Մուրադխանյանին ազատելու եւ կադրերի ռեզերվ ուղարկելու մասին, ոստիկանապետն ասաց. - «Դա նշանակում է, որ նա ստանում է իր աշխատավարձը, նա աշխատում է, տեղաբաշխումն էլ նշանակում է ռոտացիա, դա նշանակում է աշխատանքն ավելի արդյունավետ անել: Մարդը 17 տարի չի եղել արձակուրդում, թող մի երկու ամիս էլ հանգստանա, ոչի'նչ, նորմալ է: Եթե ազատված չէ համակարգից, ուրեմն, իհարկե, նշանակվի նոր աշխատանքի: Կադրերի ռեզերվ գնում են նաեւ այն մարդիկ, ովքեր ուղղակի ավելի ճիշտ տեղ պետք է նշանակվեն»:
Ոստիկապետը հավաստիացրեց, որ պիտանի մարդիկ ու նորմալ աշխատակիցները համակարգից դուրս չեն մնա: Գասպարյանը իր արածը կադրային ջարդ որակելը տեղին չի համարում:
Ոստիկանապետն անդրադարձավ նաեւ Արթիկում ոստիկանին ծեծի ենթարկելու փաստին:
«Հայաստանի Հանրապետության ոստիկանությունը երբեք չի հանդուրժի ոչ մեկին, ոչ մի երեւույթի, որ ոստիկան առեւանգեն, ոստիկանի վրա ճնշումներ գործադրեն: Ես նաեւ չեմ հանդուրժի, երբ ոստիկանը այդպես վարվի քաղաքացու հետ: Սա սկզբունք է, այդ սկզբունքը ես երբեք չեմ դավաճանել: Ոստիկանին առեւանգել են, ոստիկանը լավ ոստիկան է, եւ ցանկացած դեպքում, երբ ոտնձգություն կլինի ոստիկանության հանդեպ, ում կողմից էլ լինի, ամենախստագույնս կպատժվի», - ասաց նա:
Անցա տարվա ապրիլին նախկին ոստիկանապետ Ալիկ Սարգսյանը հայտարարել էր, թե օրորոցում անմիջապես կպատժվի նա, ով կփորձի հեղափոխական ճանապարհով ինչ-որ բան փոխել: Ոստիկանապետ Վլադիմիր Գասպարյանի մոտեցումը հեղափոխությանը հետեւյալն է. - «Ես մի անգամ արել եմ հեղափոխություն, 89 թվականին մասնակից եմ եղել, եւ այլ հեղափոխություններ ես չեմ ակնկալում: Ես մազոխիստական բաներով չեմ տառապում, ես ավելի կողմնակից եմ խաղաղության: Սկզբից եղել է խոսքը», - ասաց նա:
Ոստիկանապետը չհերքեց, որ իր կինը հիմա ոստիկանությունում է աշխատում, զբաղեցնում է ռեֆերենտի պաշտոն, իսկ կոչումով փոխգնդապետ է: Ինչ վերաբերում է ոստիկանի հանդեպ հանրության վստահության վերականգնմանը, ապա Գասպարյանի խոսքով` ոստիկանները կորցրել են իրենց հեղինակությունը, եւ այժմ սթափվելու ժամանակն է:
«Այ, որ ասում եք, Գասպարյանն ասել է միլիցա-պեպելնիցա... ես իմ կոլեկտիվին եմ ասել, իմ ընկերներին, որոնց հետ տարիներ շարունակ աշխատել եմ, որ, տղե'րք, մենք կորցրել ենք մեր հեղինակությունը, ոստիկանությունը վերածել ենք զբոսաշրջիկների, անշարժ գույքերի, վաշխառուների, քյոխվաների ապարատի: Մենք դա կորցրել ենք, քսան տարի շարունակ ենք կորցնում, սթափվելու ժամանակն է», - ասաց նա:
