«Օրինակ այս «ա» տառի համար ես պիտի գրեմ, թե որքան է դրա արտաբերման տեւողությունը: Եվ այդպես բոլոր տառերի համար», - ասաց մուլտիպլիկատոր Գայանե Մարտիրոսյանը:
«Ա»-ին կհաջորդեն մյուս տառերը, որպեսզի Վիշապիկը հայկական «Վիշապագորգի գաղտնիքը» մուլտֆիլմից կարողանա արտասանել մեկ բառ: Այսպես տառ առ տառ հավաքվում են մուլտֆիլմերի հերոսների բառերը, որոնք հետո դառնում են արտահայտություններ ու նախադասություններ:
«Բիբերի, թարթիչների, ունքերի շարժումներից սկսած՝ ամեն ինչ իր տեղում պիտի լինի, որ հասկանալի լինի թե՛ շարժումը, թե՛ բառը, թե՛ գործողությունը», - բացատրեց Գայանեն:
Նրա խոսքերով, եթե ամեն օր մուլտֆիլմից 1-1.5 վայրկյան կարողանան նկարահանել, համարում են, որ օրը լավ է անցել: Տարվա ընթացում նկարահանում են 40 րոպեից մինչեւ 1 ժամ: Գայանեի փոխանցմամբ, երբեմն կերպարներն իրենք են թելադրում մուլտֆիլմի շարունակությունը. - «Ես երբեմն զգում էի, որ արդեն ես էլ այնտեղ գործ չունեի, իրենք՝ կերպարները ինչ ուզում անում էին, ինչ ուզում ինձ թելադրում էին»:
Թե որքան ժամանակում կստեղծվի մուլտֆիլը, կախված է դրա վրա աշխատող մարդկանց քանակից ու մուլտֆիլմի կերպարների բարդությունից: Աշխատանքը կարող է ձգվել տարիներով:
«Վիշապագորգի գաղտնիքը» մուլտֆիլմի 4-րդ մասի վրա այժմ աշխատում ենք 6-7 հոգով: Դրա համար մինչեւ ուշ երեկո աշխատում ենք, որ կարողանանք հասցնել», - ասաց Ազգային կինոկենտրոնի մուլտմիավորման տնօրեն Հայկանուշ Ներսեսյանը:
Գայանեն մոտ 20 մուլտֆիլմերի հեղինակ է, բայց եւս մի ցանկություն ունի. - «Ես շատ ուզում էի նկարահանել Ղազարոս Աղայանի «Արեքնազան» հեքիաթը, բայց դա բարդ ու թանկ ֆիլմ է, դրա հնարավորությունը չկա, բայց ես կփորձեմ դա իմ Վիշապիկի միջոցով անել»:
Հայկանուշ Ներսեսյանը հավելեց, որ արդեն ունենք հայկական երկու 3D մուլտֆիլմ: Առաջինը Հայկ Սահակյանցի 2 րոպեանոց «Բոմժը»-ն էր, երկրորդը՝ Անդրանիկ Սուքիասյանի «Գորտը»` նկարահանված Հովհաննես Թումանյանի համանուն հեքիաթի հիման վրա:
«Ավելի գրոտեսկային է արված, մեր առաջին ստերեո ձայնով 3D ֆիլմն է: 3D-ն անհնար է առանց մեծ գումարների, առանց ժամանակակից տեխնիկայի դա շատ բարդ կլինի», - նկատեց Գայանե Մարտիրոսյանը:
«Տեխնիկան շատ սուղ է, բայց այդ ամեն ինչով հանդերձ, մարդիկ արել են, եւ բավականին հաջողված ֆիլմ է ստացվել իմ կարծիքով», - հավելեց Հայկանուշ Ներսեսյանը:
2010 թվականին Կինոկենտրոնն ունեցել է 4 դեբյուտային մուլտֆիլմ: Այստեղ ասում են, որ երիտասարդները բավականին հետաքրքրված են մուլտիպլիկացիայով, եւ դրա զարգացումը պետք է հենց նրանց հետ կապել:
«Եթե այստեղ են աշխատում, այստեղ էլ մնան, իրենք էլ սովորեցնեն: Հիմա մեզ մոտ 3-4 հոգի փորձնական սովորում են մուլտիպլիկացիա: Եթե նրանցից մեկի մոտ էլ ստացվի, ու նա կարողանա աշխատել, դա կլինի մուլտիպլիկացիայի շարունակություն», - եզրափակեց Գայանե Մարտիրոսյանը:
«Ա»-ին կհաջորդեն մյուս տառերը, որպեսզի Վիշապիկը հայկական «Վիշապագորգի գաղտնիքը» մուլտֆիլմից կարողանա արտասանել մեկ բառ: Այսպես տառ առ տառ հավաքվում են մուլտֆիլմերի հերոսների բառերը, որոնք հետո դառնում են արտահայտություններ ու նախադասություններ:
«Բիբերի, թարթիչների, ունքերի շարժումներից սկսած՝ ամեն ինչ իր տեղում պիտի լինի, որ հասկանալի լինի թե՛ շարժումը, թե՛ բառը, թե՛ գործողությունը», - բացատրեց Գայանեն:
Նրա խոսքերով, եթե ամեն օր մուլտֆիլմից 1-1.5 վայրկյան կարողանան նկարահանել, համարում են, որ օրը լավ է անցել: Տարվա ընթացում նկարահանում են 40 րոպեից մինչեւ 1 ժամ: Գայանեի փոխանցմամբ, երբեմն կերպարներն իրենք են թելադրում մուլտֆիլմի շարունակությունը. - «Ես երբեմն զգում էի, որ արդեն ես էլ այնտեղ գործ չունեի, իրենք՝ կերպարները ինչ ուզում անում էին, ինչ ուզում ինձ թելադրում էին»:
Թե որքան ժամանակում կստեղծվի մուլտֆիլը, կախված է դրա վրա աշխատող մարդկանց քանակից ու մուլտֆիլմի կերպարների բարդությունից: Աշխատանքը կարող է ձգվել տարիներով:
«Վիշապագորգի գաղտնիքը» մուլտֆիլմի 4-րդ մասի վրա այժմ աշխատում ենք 6-7 հոգով: Դրա համար մինչեւ ուշ երեկո աշխատում ենք, որ կարողանանք հասցնել», - ասաց Ազգային կինոկենտրոնի մուլտմիավորման տնօրեն Հայկանուշ Ներսեսյանը:
Գայանեն մոտ 20 մուլտֆիլմերի հեղինակ է, բայց եւս մի ցանկություն ունի. - «Ես շատ ուզում էի նկարահանել Ղազարոս Աղայանի «Արեքնազան» հեքիաթը, բայց դա բարդ ու թանկ ֆիլմ է, դրա հնարավորությունը չկա, բայց ես կփորձեմ դա իմ Վիշապիկի միջոցով անել»:
Հայկանուշ Ներսեսյանը հավելեց, որ արդեն ունենք հայկական երկու 3D մուլտֆիլմ: Առաջինը Հայկ Սահակյանցի 2 րոպեանոց «Բոմժը»-ն էր, երկրորդը՝ Անդրանիկ Սուքիասյանի «Գորտը»` նկարահանված Հովհաննես Թումանյանի համանուն հեքիաթի հիման վրա:
«Ավելի գրոտեսկային է արված, մեր առաջին ստերեո ձայնով 3D ֆիլմն է: 3D-ն անհնար է առանց մեծ գումարների, առանց ժամանակակից տեխնիկայի դա շատ բարդ կլինի», - նկատեց Գայանե Մարտիրոսյանը:
«Տեխնիկան շատ սուղ է, բայց այդ ամեն ինչով հանդերձ, մարդիկ արել են, եւ բավականին հաջողված ֆիլմ է ստացվել իմ կարծիքով», - հավելեց Հայկանուշ Ներսեսյանը:
2010 թվականին Կինոկենտրոնն ունեցել է 4 դեբյուտային մուլտֆիլմ: Այստեղ ասում են, որ երիտասարդները բավականին հետաքրքրված են մուլտիպլիկացիայով, եւ դրա զարգացումը պետք է հենց նրանց հետ կապել:
«Եթե այստեղ են աշխատում, այստեղ էլ մնան, իրենք էլ սովորեցնեն: Հիմա մեզ մոտ 3-4 հոգի փորձնական սովորում են մուլտիպլիկացիա: Եթե նրանցից մեկի մոտ էլ ստացվի, ու նա կարողանա աշխատել, դա կլինի մուլտիպլիկացիայի շարունակություն», - եզրափակեց Գայանե Մարտիրոսյանը: