Прэзэнтацыі

Кніга В.Ракіцкага “Беларуская Атлянтыда” - на нашым сайце

Радыё Свабода Ад сёньняшняга дня на сайце беларускай службы Радыё Свабода вы можаце знайсьці поўны тэкст кнігі Вячаслава Ракіцкага “Беларуская Атлянтыда” – дзясятай публікацыі з сэрыі “Бібліятэка Свабоды. XXI cтагодзьдзе”, складзенай з тэкстаў выбраных аднайменных перадачаў, якія гучалі на хвалях “Свабоды” ад 2000 да 2005 году.

У Менску адбылася прэзэнтацыя другога выданьня зборніку “Быкаў на Свабодзе” (фотарэпартаж і mp3)

Ганна Соусь, Менск У панядзелак у менскім Доме літаратара адбылася прэзэнтацыя другога выданьня зборніка радыёпубліцыстыкі клясыка беларускай літаратуры народнага пісьменьніка Беларусі Васіля Быкава “Быкаў на Свабодзе”. Новае выданьне дапоўненае невядомымі раней інтэрвію, лістамі і ўспамінамі. На імпрэзу прыйшлі больш за 200 чалавек.

Сяргей Дубавец прэзэнтаваў у Менску новую кнігу

Севярын Квяткоўскі, Менск "Вострая Брама", выбраныя перадачы Радыё Свабода 1997-2000 гадоў – назва зборніку, які быў прэзэнтаваны ў нядзелю ў менскім Доме літаратараў. У кнігу ўвайшлі сорак чатыры перадачы з больш як чатырохсот, што ўжо прагучалі на хвалях нашага радыё. "Вострая Брама" сталася чарговым выданьнем кніжнага праекту беларускай службы Радыё Свабода.

“Прыгоды АРА ў Беларусі” (фотарэпартаж і поўны тэкст кнігі)

Галіна Абакунчык, Менск У менскім Доме літаратара адбылася канфэрэнцыя з нагоды выхаду кнігі Аляксандра Лукашука “Прыгоды АРА ў Беларусі”. Гэта пятае выданьне з сэрыі “Бібліятэка Свабоды”, прысьвечаная амэрыканскай гуманітарнай дапамозе ў Беларусі. “АРА” – гэта абрэвіятура словазлучэньня, якое з ангельскай перакладаецца, як “Амэрыканская адміністрацыя дапамогі”. “АРА” была арганізаваная з ініцыятывы 34-га прэзыдэнта ЗША Гербэрта Гувэра з мэтай падтрымкі жыхароў эўрапейскіх краінаў, пацярпелых у часе першай усясьветнай вайны. Гэтую дапамогу афіцыйныя гісторыкі замоўчваюць і па сёньня. Кніга сталася першым дасьледаваньнем амэрыканскай дабрачыннай прысутнасьці ў Беларусі.

У Доме літаратара адбудзецца прэзэнтацыя кнігі эпіграмаў Рыгора Барадуліна, выдадзенай у сэрыі “Бібліятэка Свабоды”

Ганна Соусь, Менск 21 сьнежня ў менскім Доме літаратара а 19 гадзіне ўвечары адбудзецца прэзэнтацыя кнігі “Дуліна ад Барадуліна”, выдадзеная ў сэрыі “Бібліятэка Свабоды. ХХІ Стагодзьдзе”. Аснову кнігі складаюць показкі й эпіграмы Рыгора Барадуліна, якія прагучалі сёлета ў эфіры Радыё Свабода ў цыклі “Лета з Барадуліным” зь 1 чэрвеня па 31 жніўня. Наша карэспандэнтка гутарыла з народным паэтам Беларусі Рыгорам Барадуліным напярэдадні прэзэнтацыі.

У МЕНСКУ АДБЫЛАСЯ ПРЭЗЭНТАЦЫЯ КНІГІ “БЫКАЎ НА СВАБОДЗЕ”