Ад 1920-х і да канца 1980-х гадоў у Савецкім Саюзе пасьлядоўна запускалі кампаніі, каб скараціць спажываньня алькаголю. Яны не былі пасьпяховымі.
«Ані кроплі!» Савецкія антыалькагольныя плякаты
1
Савецкі антыалькагольны плякат 1930 году. Алькаголь названы «ворагам культурнай рэвалюцыі».
2
Плякат 1929 году. Дзіця перакрэсьлівае літару ў слове: замест «спирт» атрымліваецца «спорт». У 1929 годзе савецкі ўрад выдаў распараджэньне аб масавым закрыцьці піўнушак і іншых месцаў продажу алькаголю.
3
Надрукаваны ў 1929 году плякат. «Ганьба тым, якія атрымліваюць заробак у чорнай касе!» – абвяшчае надпіс. У «чорнай касе» выдавалі грошы людзям, якія, як лічылася, парушылі працоўную дысцыпліну. Мяркуючы па надпісе, аўтары плякату зьвязваюць злоўжываньне алькаголем зь нізкай прадукцыйнасьцю, якая, у сваю чаргу, выклікала занепакоенасьць адносна выкананьня плянаў пяцігодкі.
4
«Напіўся, лаяўся, зламаў дрэўца – сорамна глядзець людзям у твар». Падчас чарговай антыалькагольнай кампаніі ў 1958 годзе забаранілі продаж гарэлкі ў многіх месцах.
5
«А яшчэ кажуць, што мы сьвіньні...» Яшчэ адзін плякат 1958 году.
6
«У наш здаровы побыт алькаголю шлях зачынены». У 1959 годзе Інстытут санітарнай асьветы Міністэрства аховы здароўя СССР выдаў гэты плякат накладам каля 30 тысяч асобнікаў.
7
Плякат 1959 году зьмяшчае папярэджаньне: «Замежныя выведнікі ўзмоцнена палююць за аматарамі выпіць».
8
«Ні кроплі!» Гэта плякат 1961 году.
9
«Из рабочей гущи выгоним пьющих!» — на гэтым плякаце 1966 году прыведзена цытата зь верша Ўладзіміра Маякоўскага. Зьлева ад «героя» — «брак», справа — бутэлька гарэлкі.
10
Мэсыдж 1972 году просты: «Пакуль ня позна — спыніся».
11
«Калектыўныя гулянкі нам даўно час спыніць!» – антыалькагольная кампанія 1972 году супала з плянамі скарачэньня вытворчасьці моцных напояў пры адначасовым павелічэньні вытворчасьці безалькагольных напояў, а таксама віна і піва. Да канца 1970-х гадоў спажываньне алькаголю дасягнула самага высокага ўзроўню ў гісторыі краіны.
12
«Ганебная парачка – лайдак з гарэлачкай!» Гэты плякат выдадзены ва Ўкраіне ў 1981 годзе.
13
«І мама любіць не мяне». Плякат, выдадзены ў 1982 годзе.
14
Плякат, надрукаваны ў 1983 годзе.
15
На гэтым плякаце 1985 году слоік таматнага соку наносіць «сокрушительный» удар па бутэльцы гарэлкі. У 1985 годзе савецкі лідэр Міхаіл Гарбачоў прыняў «сухі закон», абвясьціўшы аб шырокамаштабнай антыалькагольнай кампаніі з частковай забаронай алькаголю. Цэны на алькаголь вырасьлі, а продаж строга абмежавалі.
16
1985 год. «Ад п'янства – крок да злачынства».
17
Бутэлька «мяняе» этыкетку – зь «Белага віна» на «Натуральны сок». Тэкст абвяшчае: «Гэтая абнова мне да твару».
18
Антиалькагольны плякат, надрукаваны ў 1985 годзе.
19
«Вряд ли вам нужен лист больничный для приема внутрь "Столичной"». 1985 год.
20
«Яго духоўны сьвет». 1987 год.
21
1988 год. «Пераход на "той сьвет"».
Катэгорыі
- Мультымэдыя
- Відэа
