Да пачатку Нобэлеўскай лекцыі засталося паўгадзіны. Карэспандэнт Радыё Свабода Аляксандра Дынько перадае са Стакгольма, беларуская рэдакцыя Свабоды сочыць за лекцыяй зь Менску.
Сьвятлана Алексіевіч абяцае, што нобэлеўская лекцыя будзе «грубая і жорсткая». Яна працытуе былога вязьня ГУЛАГу, распавядзе пра сьлед бальшавізму: лужыны крыві.
Ніводзін дзяржаўны канал не пакажа ані лекцыю Алексіевіч, ані цырымонію ўручэньня прэміі. Замест Алексіевіч — Малахаў і Бафі. Тым часам «Белсат» ня толькі будзе перадаваць трансьляцыі, але і праводзіць «Нобэлеўскі тыдзень са Сьвятланай Алексіевіч».
Таварыства беларускай мовы лічыць, што, калі лекцыя будзе супраць «рускага міру», то яе абавязкова трэба паказаць па БТ.
У сацсетках у адказ на ігнараваньне дзяржавай першай Нобэлеўскай прэміі ў гісторыі Беларусі распачаўся флэш-моб #нобельразам. Некаторыя беларускія клюбы і бары абяцаюць паказаць лекцыю на сваіх экранах, глядзіце сьпіс тут. Экс-кандыдат у прэзыдэнты Тацяна Караткевіч тым часам прапануе чытаць урыўкі з кніг Алексіевіч уголас у публічных месцах.
Са Сьвятланай Алексіевіч ужо правялі прэсавую канфэрэнцыю ў Швэцыі. На ёй яна расказала, што не адразу вызвалілася ад камуністычных ілюзіяў, а таксама што наступную кнігу прысьвеціць каханьню. Вось сьціслы топ цытатаў адтуль.
Стэфан Эрыксан закрычаў, калі даведаўся пра Нобэля Алексіевіч. Глядзіце, што кажа былы амбасадар Швэцыі.
Дарэчы, вось «Вялікія думкі» (у сэнсе, маштабныя) Сяргея Дубаўца пра Нобэля Алексіевіч. Ён тлумачыць, чаму гэта набытак, які не дэвальвуецца часам.
А швэды ледзь ведаюць, што такое Беларусь. Папраўка: ледзь ведалі да Алексіевіч. Вось што ведаюць цяпер.
¯ \ _ (ツ) _ / ¯