7 сьнежня 1988 году у Армэніі здарыўся магутны землятрус. Горад, які тады называўся Ленінаканам, цяпер мае назву Гюмры. Мінулі тры дзесяцігодзьдзі, а рэгіён усё яшчэ адчувае наступствы бяды, калі загінулі больш за 25 тысяч чалавек і была нанесеная велізарная эканамічная шкода ўсёй краіне.
Землятрус у Армэніі. 30 гадоў пасьля
1
Гюмры, у савецкі час Ленінакан, – другі па велічыні горад Армэніі пасьля сталіцы Ерэвану. На гэтай фатаграфіі ён адлюстраваны за два гады да трагедыі.
2
7 сьнежня 1988 году, халодная раніца. У момант штуршкоў людзі былі на працоўных месцах або вучыліся. Гэты гадзіньнік у Гюмры спыніўся, калі пачаўся землятрус.
3
Мужчына трымае цела свайго загінулага дзіцяці. Штуршкі магнітудай 6,8 працягваліся 20 сэкунд. Але калі асеў пыл, стаў зразумелы маштаб разбурэньняў, які гэтыя штуршкі пацягнулі.
4
Большасьць жылых дамоў – не найлепшай якасьці пабудовы савецкай эры – ператварыліся ў руіны.
5
Ратавальнікі разьбіраюць завалы ў Гюмры. З 78 вышынных жылых дамоў выстаялі шэсьць. 12 сьнежня 1988.
6
У многіх будынках трэснуў падмурак, і яны перахіляліся і падалі як падкошаныя. Горад Сьпітак, 12 сьнежня 1988 году.
7
Кіраўнік Савецкага Саюзу Міхаіл Гарбачоў перапыніў візыт у Нью-Ёрк і прыляцеў у Армэнію. 10 сьнежня 1988 году.
8
Мясцовыя жыхары плачуць каля свайго разбуранага дома.
9
Ратавальнікі нясуць труну. Асьвятленьне катастрофаў падобнага характару ў Савецкім Саюзе да гэтага часу сур’ёзна кантралявалася цэнзурай. Наступствы землятрусу ў Армэніі апынуліся пад пільнай увагай савецкіх СМІ, якія атрымалі большую свабоду ў рамках палітыкі галоснасьці, запачаткаванай Гарбачовым.
10
Мужчына плача над целам блізкага чалавека. Матэрыялы ў СМІ, дзякуючы якім сталі вядомыя маштабы халатнасьці пры будаўніцтве дамоў, узрушылі ўсю краіну.
11
Салдаты разьбіраюць завалы.
12
У выніку землятрусу ператварыўся ў руіны і другі армянскі горад – Сьпітак. Большая частка насельніцтва была пахаваная пад заваламі.
13
Чалавек, які выжыў пад заваламі. У Армэнію пайшла гуманітарная дапамога. Гэтыя намаганьні ператварыліся ў дэманстрацыю самага маштабнага супрацоўніцтва на міжнародным узроўні з часоў Другой сусьветнай вайны.
14
Груз бочак з рыбай рыхтуюць да вылету ў Армэнію з савецкага Кіргізстану. Дапамога прыбывала праз аэрапорт Гюмры. Калі раней ён прымаў чатыры рэйсы ў дзень, то ў дні пасьля трагедыі іх колькасьць дасягала 180 у суткі.
15
12 сьнежня пры падлёце да аэрапорта Гюмры разьбіўся савецкі вайсковы самалёт. Загінулі 78 чалавек. Неўзабаве пасьля гэтага недалёка ад Ерэвану разьбіўся югаслаўскі борт, які ўдзельнічаў у гуманітарнай місіі. Гэтая катастрофа забрала сем жыцьцяў.
Катэгорыі
- Мультымэдыя
- Відэа
