На гэты раз удзельнікі акцыі пратэставалі супраць спробаў беларускіх уладаў дэмантаваць парабалічныя спадарожнікавыя антэны, якія зьяўляюцца для тысячаў беларусаў крыніцай альтэрнатыўнае інфармацыі. Распавядае Віктар Загрэба, адзін з каардынатараў акцыі:
“Акцыі салідарнасьці зь Беларусьсю сталі ўжо традыцыйнымі для Кіева. На гэты раз мы выбралі тэму тэлебачаньня, тэму барацьбы рэжыму Лукашэнкі і беларускіх органаў улады супраць спадарожнікавых “талерак”. Гэтая кампанія пачалася ў Беларусі спачатку ў абласных цэнтрах, цяпер ужо ў Менску. Яе мэтай паводле словаў экспертаў і журналістаў зьяўляецца зьмяншэньне ўплыву замежных тэлеканалаў, а таксама тэлеканалу “Белсат”, які павінен зьявіцца ў гэтым годзе”.
Удзельнікі акцыі прадэманстравалі мінакам, журналістам і ахове амбасады пэрформанс, які адлюстроўваў іх бачаньне сытуацыі ў Беларусі. Спачатку “звычайная беларуская сям’я” дзякуючы спадарожнікавым “талеркам” мае магчымасьць аглядаць розныя тэлеканалы. Потым прыходзіць міліцыянт і канфіскоўвае антэны. У беларусаў застаецца толькі БТ.
Удзельнікі акцыі паведамілі, што і далей будуць працягваць праводзіць тэматычныя пэрформaнсы, даносячы да ўкраінцаў інфармацыю пра актуальныя праблемы беларускага грамадзтва.
“Акцыі салідарнасьці зь Беларусьсю сталі ўжо традыцыйнымі для Кіева. На гэты раз мы выбралі тэму тэлебачаньня, тэму барацьбы рэжыму Лукашэнкі і беларускіх органаў улады супраць спадарожнікавых “талерак”. Гэтая кампанія пачалася ў Беларусі спачатку ў абласных цэнтрах, цяпер ужо ў Менску. Яе мэтай паводле словаў экспертаў і журналістаў зьяўляецца зьмяншэньне ўплыву замежных тэлеканалаў, а таксама тэлеканалу “Белсат”, які павінен зьявіцца ў гэтым годзе”.
Удзельнікі акцыі прадэманстравалі мінакам, журналістам і ахове амбасады пэрформанс, які адлюстроўваў іх бачаньне сытуацыі ў Беларусі. Спачатку “звычайная беларуская сям’я” дзякуючы спадарожнікавым “талеркам” мае магчымасьць аглядаць розныя тэлеканалы. Потым прыходзіць міліцыянт і канфіскоўвае антэны. У беларусаў застаецца толькі БТ.
Удзельнікі акцыі паведамілі, што і далей будуць працягваць праводзіць тэматычныя пэрформaнсы, даносячы да ўкраінцаў інфармацыю пра актуальныя праблемы беларускага грамадзтва.
