Былы міністар абароны Ўкраіны Міхайла Фёдараў у сваім тэлеграм-канале напісаў пра тое, што тэрміналы Starlink пачалі аднаўляць працу пасьля перабояў.
«Starlink зноў разьвівае хуткасьць да 100 кілямэтраў на гадзіну. Ударныя бесьпілётнікі і бесьпілётнікі-перахопнікі павінны зноў лётаць.
Цяпер нам трэба папрацаваць над тым, каб цалкам зьняць абмежаваньне хуткасьці для Starshield».
Starshield — асобная сетка, якую кампанія Starlink прадае ўрадавым арганізацыям.
Раней, пасьля таго, як прэзыдэнт Злучаных Штатаў Дональд Трамп дамовіўся з кіраўніком Расеі Ўладзімірам Пуціным на пастаўкі расейскага дызэльнага паліва на ўсясьветны рынак, стала вядома, што ЗША перасталі пастаўляць даныя выведкі ўкраінскаму боку, хаця рабілі гэта раней.
ЗША адмовіліся ад абмену зьвесткамі пасьля таго, як Украіна адмовілася спыніць атакі на расейскія паліўныя крыніцы і заводы. Але пазьней Трамп запярэчыў, што абмен спыніўся і заклікаў праверыць такую інфармацыю.
Уладальнік Starlink Ілан Маск падтрымаў Трампа ў ягоных словах, што Ўкраіне «патрэбны новы прэзыдэнт», а ўжо ў ноч на 14 кастрычніка Starshield абмежаваў сваю працу. Праз гэта Ўзброеныя сілы Ўкраіны вымушаныя былі скасаваць шэраг баявых апэрацый.
Пра праблемы з працай Starlink гаварылі і ў перадачы ПіК Свабоды.
Што далей?
Праблема была ня толькі з скасаваньнем апэрацый — запаволеньне сеціва ад гэтай кампаніі паставіла пад пагрозу жыцьці ўкраінцаў.
«Starlink выкарыстоўваецца ў якасьці найбольш эфэктыўнага разьвязаньня (перахопу) для абароны нашага неба ад расейскіх бесьпілётнікаў „Шахед“. Фактычна, сваімі дзеяньнямі партнэры пазбаўляюць нас аднаго зь нямногіх варыянтаў абароны краіны ад іх», — казаў украінскай Свабодзе дарадца прэзыдэнта Ўкраіны ў пытаньнях разьвіцьця тэхналягічных напрамкаў абароны Сяргей «Флэш» Бяскрэснаў.
У сваю чаргу, Ілан Маск адказаў на абвінавачаньні Ўкраіны ў свой бок:
«Сыстэмы Starshield належаць ураду ЗША і знаходзяцца пад яго кантролем. Рашэньні наконт любых абмежаваньняў хуткасьці ці выкарыстаньня прымаюцца вайскоўцамі ЗША і, урэшце, прэзыдэнтам ЗША.
Starlink — гэта камэрцыйная служба, якая належыць кампаніі SpaceX і знаходзіцца пад яе кантролем. Выкарыстаньне Starlink абмяжоўваецца грамадзянскімі або абароннымі мэтамі; сыстэма ня можа прымяняцца для наступальных ваенных дзеяньняў, бо гэта было б неналежным для камэрцыйнай кампаніі».
Міністэрства абароны Ўкраіны заявіла пра тое, што ўжо размаўляе з амэрыканскімі хаўрусьнікамі адносна аднаўленьня працы Starlink.
Форум