Служба дастаўкі багажу пасажырам пачала працаваць у Нацыянальным аэрапорце «Менск», паведаміла прэс-служба аэрапорту.
Пасажыры зараз могуць перадаць свой багаж або ручную паклажу супрацоўнікам службы, а тыя даставяць валізкі да аэрапорту, вакзалу, офісу, кватэры, гатэлю ці іншага месца.
Замовіць паслугу можна онлайн ці ў аэрапорце.
«Стойка прыёму багажу разьмешчаная насупраць стужкі яго выдачы ў зоне прылёту саюзных рэйсаў (сэктар 5-6). У зоне міжнародных прылётаў пасажыраў таксама будуць сустракаць супрацоўнікі службы. Для тых, хто вылятае, перадача багажу ў аэрапорце зарганізаваная ў зоне рэгістрацыі пасажыраў», — паведамілі ў прэс-службе Нацыянальнага аэрапорту.
Цана паслугі залежыць ад колькасьці месцаў, вагі і аб’ёму багажу. Просяць 39 рублёў за дастаўку аднаго прадмету ручной паклажы і па 9 рублёў за кожны наступны. Падвоз валізкі будзе каштаваць 39 рублёў за першую і 19 рублёў за кожную наступную.
На першым этапе служба будзе працаваць толькі ў Менску і вобласьці.
Што гэта значыць?
Пакуль што служба будзе працаваць толькі ў сталіцы і Менскай вобласьці. Апошнім часам у людзей, якія падарожнічаюць празь менскі аэрапорт, нярэдка здараюцца непрадбачаныя абставіны, затрымкі і скасаваньні рэйсаў. Падобна, новая служба дастаўкі багажу зможа дапамагчы пасажырам.
Форум