Пешы марш і ганаровая варта перад помнікам у гонар Кастуся Каліноўскага ў Мастаўлянах на Падляшшы — так беларусы ўшанавалі 163-ю гадавіну выбуху паўстаньня 1863 году на беларускіх землях і 188-ы дзень народзінаў беларускага героя.
Ушанаваньне герояў адбылося нягледзячы на 15 градусаў марозу, адзначыў у сваім допісе беларускі журналіст з Падляшша Яраслаў Іванюк.
На імпрэзе былі чытаньне «Лістоў з-пад шыбеніцы», ускладаньне кветак і зьнічоў. Удзельнікі пешым маршам з нацыянальнымі бел-чырвона-белымі сьцягамі прайшлі да былой сядзібы Каліноўскіх і памятных табліцаў.
Усе прысутныя былі ўзнагароджаныя граматамі ўдзельніка KALINOŬSKI MARŠ 2026 і памятнымі падарункамі.
Марш арганізавала міжнародная арганізацыя «Рух». Паводле яе, у ім узялі ўдзел каля ста чалавек.
Форум