Плёмбы дазволілі выкарыстоўваць замест мытнага суправаджэння, пры ўстанаўленьні маршруту руху, а таксама як сродак ідэнтыфікацыі на грузавым транспарце. Аднак у шэрагу выпадкаў іх ужываньне становіцца абавязковым.
У прыватнасьці, навігацыйныя плёмбы павінны выкарыстоўвацца пры ўезьдзе ў Беларусь з Латвіі, Літвы і Польшчы на грузавіках, а таксама на парожніх аўто міжнароднай перавозкі, зарэгістраваных у Эўразьвязе. Акрамя таго, іх трэба выкарыстоўваць пры перавозцы небясьпечных грузаў.
Для шэрагу катэгорый дзейнічае вынятак: транзыт з Калінінградзкай вобласьці Расеі, буйнагабарытныя і цяжкавагавыя машыны са спэцдазволам, перавозка жывых жывёлаў, пошты, замежнай бязвыплатнай дапамогі, тавараў асабістага карыстаньня, а таксама ўвоз празь беларуска-расейскі ўчастак мяжы.
Беларусь пачала прымяняць навігацыйныя плёмбы ў міжнародных перавозках у 2018 годзе пасьля ўказаньня Лукашэнкі пра адсочваньне транзыту.
Сыстэма стала адным з элемэнтаў кантролю за перамяшчэньнем тавараў пад мытнымі працэдурамі і выкарыстоўваецца для выключэньня несанкцыянаванага ўскрыцьця грузаў. У апошнія гады практыку пашыраюць - у тым ліку на перавозку сьпіртазмяшчальнай прадукцыі і небясьпечных грузаў.
Форум