За дзевяць месяцаў 2025 году экспарт тавараў зь Беларусі ў Латвію склаў €56,981 млн. Аб’ём паставак тавараў упаў за дзевяць месяцаў на €68,157 млн, піша Office Life.
Расейскі экспарт у гэтую краіну ў параўнаньні з папярэднім годам скараціўся на €229,921 млн, або ў 3,6 раза. Ён склаў за студзень — верасень гэтага году €89,798 млн.
У сваю чаргу, Латвія за дзевяць месяцаў гэтага году паставіла ў Беларусь тавараў на суму €95,069 млн, што на 20% менш за аналягічны пэрыяд мінулага году.
Пастаўкі ж у Расею за студзень — верасень скараціліся на 7,2%, да €733,213 млн.
Пагаршэньне адбываецца ня толькі ў гандлі Беларусі і Латвіі. Белстат у апошнім статыстычным аглядзе паведамляў, што вынікі вонкавага гандлю Беларусі надалей пагаршаюцца: экспарт тавараў падае, а імпарт, наадварот, расьце.
Сальда замежнага гандлю ў студзені–верасьні склала мінус 840 млн даляраў, а за той жа пэрыяд мінулага году — мінус 310 млн даляраў.
Форум