У заяве, апублікаванай у сераду, Калас падкрэсьліла, што Эўразьвяз ня будзе мірыцца з правакацыямі, накіраванымі супраць ягоных чальцоў.
«Мы ня будзем трываць гібрыдных кампаніяў, накіраваных на Эўразьвяз або на якую-кольвек дзяржаву ЭЗ», — заявіла Кая Калас.
Яна нагадала, што Эўрапейскі зьвяз ужо ўводзіў санкцыі супраць Беларусі і гатовы ўзмацніць абмежаваньні, калі Менск ня спыніць падобныя дзеяньні.
Паводле яе словаў, гэтыя правакацыі супярэчаць заявам Лукашэнкі пра імкненьне да паляпшэньня адносінаў з Эўрапейскім зьвязам.
Кіраўніца дыпляматыі адзначыла, што беларускія шары прывялі да парушэньня авіязносінаў, фінансавых страт для падарожнікаў і аэрапортаў, а таксама стварылі пагрозу грамадзянскай авіяцыі.
Кая Калас таксама заявіла пра поўную салідарнасьць зь Літвой і іншымі краінамі Эўразьвязу, якія сталі мішэньню беларускіх гібрыдных атакаў.
Толькі за кастрычнік літоўскія памежнікі перахапілі 65 шароў з кантрабандай зь Беларусі, а таксама 5 дронаў. У адзін дзень 22 кастрычніка было перахоплена 13 шароў.
Форум