«На неаднаразовыя патрабаваньні міліцыянтаў спыніцца парушальнік не рэагаваў. Пры гэтым віляў па праезнай частцы і выяжджаў на ўзбочыну, чым ствараў рэальную пагрозу жыцьцю і здароўю іншых удзельнікаў дарожнага руху. Для спыненьня транспартнага сродку выкарысталі зброю», — адзначаецца ў паведамленьні.
Прэсавая служба МУС Беларусі таксама апублікавала відэазапіс таго, як міліцыянты некалькі разоў стрэлілі па колах аўтамабіля.
За стырном быў 16-гадовы мясцовы жыхар з прыкметамі ап’яненьня: мэдыкі выявілі ў крыві кіроўцы больш за адзін праміле. У салёне аўтамабіля былі два пасажыры 15 і 16 гадоў.
Супрацоўнікі ДАІ склалі шэсьць адміністрацыйных пратаколаў, у тым ліку за брак пасьведчаньня кіроўцы і кіраваньне машынай у нецьвярозым стане. Падлетак атрымаў штраф у 200 базавых велічыняў — 8 400 рублёў. Аўтамабіль, які ён купіў без пераафармленьня, забралі на штрафную стаянку.
Форум