Па выніках конкурснай вытворчасьці агульны памер крэдыторскай запазычанасьці ЗАТ «Футбольны клюб „Шахтар“, уключанай у рэестар патрабаваньняў крэдытораў, склаў 16 770 045 беларускіх рублёў. Тым часам, калі актывы клюбу (аб’екты нерухомасьці, кошт транспартных сродкаў і іншыя), устаноўленыя антыкрызісным кіраўніком, склалі 10 957 729 беларускіх рублёў.
У выніку праведзенага аналізу фінансавага стану і плацежаздольнасьці была зробленая выснова, што ЗАТ „Футбольны клюб „Шахтар“ няздольны выканаць усе грашовыя абавязальніцтвы перад крэдыторамі, піша сайт bel.football.
Пасьля прыняцьця рашэньня прызнаць „Шахтар“ банкрутам эканамічны суд Менскай вобласьці адкрыў у дачыненьні клюбу ліквідацыйнае вядзеньне, якое працягнецца да 1 чэрвеня 2026 году.
У 2022 годзе „гарнякі“ чацьвёрты раз сталі чэмпіёнамі Беларусі, аднак пасьля былі пазбаўленыя тытулу, калі высьветлілася, што кіраўніцтва салігорцаў зарганізавала дамоўныя гульні і стымулявала іншых каманды Найвышэйшай лігі. „Шахтар“ пакінуў элітны дывізіён па выніках сэзону-2024, які пачаў зь некалькімі пунктамі ў „мінусе“, пасьля чаго не заявіўся ні ў адзін з турніраў пад эгідай Беларускай фэдэрацыі футболу.
У 2024 годзе агучылі прысуды пасадовым асобам клюбу. Былому дырэктару Аляксандру Марчанку прысудзілі 6 гадоў калёніі, адказнаму за працу з заўзятарамі Яўгену Култаеву — 7 гадоў. Іх прызналі вінаватымі ў «крадзяжы шляхам злоўжываньня службовымі паўнамоцтвамі».
Салігорскі клюб тройчы быў чэмпіёнам Беларусі і столькі ж разоў здабываў кубак краіны.
Форум