Як паведаміла выданьне Most з спасылкай на мясцовую паліцыю, цяпер ім пагражае да трох гадоў пазбаўленьня волі.
13 верасьня прыблізна а 22:30 беларусы выклікалі таксі, каб даехаць у цэнтар Гданьска, але калі на выклікі прыехаў кіроўца — 27-гадовы грамадзянін Нігерыі, — тыя папрасілі адвезьці іх у Сопат. Таксіст пагадзіўся, але папярэдзіў, што кошт паездкі будзе большы. Беларусы раззлаваліся, і адзін зь іх прыставіў да галавы кіроўцы ствол пісталета, патрабуючы неадкладна ехаць у Сопат.
Перапалоханы кіроўца спыніўся, выбег з машыны і пачаў клікаць дапамогу. Гэта, імаверна, спалохала і пасажыраў — яны хутка пакінулі машыну і ўцяклі. Тады кіроўца таксі вярнуўся ў машыну і паехаў у камісарыят паліцыі.
Паліцыянты выйшлі на сьлед нападнікаў пасьля вывучэньня запісаў відэакамэр. Імі выявіліся два беларусы ва ўзросьце 40 і 32 гадоў. Раней яны жылі ў Гданьску, а нядаўна пераехалі. Паліцыя высьветліла, што яны могуць знаходзіцца ў Сопаце.
18 верасьня паліцыянты іх затрымалі. Пры вобшуку ў іх кватэры знайшлі пнэўматычны пісталет для стральбы шротам. За прымус да выкананьня да якіх-небудзь дзеяньняў ім пагражае да трох гадоў пазбаўленьня волі.
Форум