Як вынікае з публікацыі «Кібэрпартызанаў», на афіцыйным сайце прадпрыемства былі разьмешчаныя фота з акцый пратэсту 2020 году зь бел-чырвона-белымі сьцягамі.
«БМЗ даўно знаходзіцца пад санкцыямі за дапамогу рэжыму Лукашэнкі і ўдзел у вытворчасьці вайсковых снарадаў для расейскага агрэсара. Цяпер завод атрымаў „падаруначак“ ад Кібэрпартызанаў да нашага пяцігодзьдзя», — паведамілі ў ініцыятыве.
Пакуль актывісты не ўдакладняюць наступстваў сваёй атакі для ўнутранай сеткі прадпрыемства.
Раней «Кібэрпартызаны» атакавалі іншыя беларускія прадпрыемствы і арганізацыі, а таксама расейскі «Аэрофлот», дзяржаўныя адміністрацыі, іншыя ўстановы.
- «Кібэрпартызаны» — беларуская дэцэнтралізаваная супольнасьць ананімных хакераў, зьявілася ў верасьні 2020 году.
- Атрымалі вядомасьць дзякуючы шэрагу пасьпяховых кібэратак на рэсурсы дзяржаўных установаў і сілавых структураў Беларусі, публікацыям кампрамату на прадстаўнікоў апошніх, а таксама разьмяшчэньню ў адкрытым доступе службовай і сакрэтнай інфармацыі.
- Супольнасьць пачала дзейнасьць у адказ на дзяржаўныя рэпрэсіі супраць пратэстоўцаў.
- Сваю дзейнасьць «Кібэрпартызаны» называюць барацьбой з Аляксандрам Лукашэнкам.
Форум