Суткамі раней на 10:00 колькасьць аўтамабіляў, якія чакалі выезду з Беларусі, складала 4.415, паведамляе Позірк.
У пункце пропуску Берасьце на ўказаны час 31 жніўня было 3.545 аўтамабіляў (суткамі раней 3.830).
Зьнізілася таксама колькасьць аўто на мяжы з Літвой: у пункце Каменны Лог (Мядзінінкай) — з 270 да 140, у Беняконях (Шальчынінкай) — з 280 да 130.
На мяжы з Латвіяй у пункце пропуску Грыгароўшчына (Патэрніекі) аўтамабіляў не было (на 10 гадзін суткамі раней — 35).
На 10 гадзін 31 жніўня ў пункце пропуску Брэст уезду ў Польшчу чакала 15 аўтобусаў (суткамі раней — 5). Чэргаў аўтобусаў на мяжы з краінамі Балтыі на ўказаны час не было.
Пункт пропуску Берасьце на мяжы з Польшчай застаецца самым загружаным маршрутам для легкавога транспарту. Больш за ўсё аўтамабіляў — 4.770 — сабралася тут у 2 гадзіны ночы 20 жніўня, рэкорд у чарзе аўтобусаў быў зафіксаваны ў 12 гадзін 19 жніўня — 157.
Перад памежнымі пераходамі Беняконі і Каменны Лог фіксуецца 570 (550 суткамі раней) грузавікоў, на ўезьдзе ў Польшчу на кантрольным пункце Казловічы (Кукурыкі) — 30 (0).
Форум