Як адзначае тэлеграм-канал «Спадчына», пабудовы былі ў вельмі добрай захаванасьці, з разьбянымі падзорамі, ліштвамі з тонка выкананымі надаконьнікамі, дзьвярыма з фігурнымі філёнгамі, з каванай паветкай.
«Зносяць з усім дэкорам, мясцовы музэй нават не парупіўся забраць нейкія элемэнты сабе. Упэўнены, што і ўнутры не аглядалі», — напісаў канал.
Будынак быў пазначаны на гісторыка-архітэктурным апорным пляне (частцы генэральнага пляну Бабруйску) як каштоўная драўляная забудова.
«Наша ніва» выказала здагадку, што драўляны дом па вуліцы Карла Лібкнэхта, 57, які цяпер зносяць, належаў рабіну:
«Дом быў узьведзены да рэвалюцыі на Сталыпінскай вуліцы. Суседні будынак дзяржаўнага архіву быў пабудаваны на рэштках былой сынагогі, таму найбольш верагодна, што гэты раскошны дом побач належаў сям’і рабіна».
Форум