Паводле слоў Каржовай, цяпер такія зборы існуюць у рамках прадмету „Дапрызыўная і мэдыцынская падрыхтоўка“.
„Нейкіх істотных зьменаў не плянуецца. Адзіная навіна датычыцца працягласьці збораў: зараз яны павялічаныя зь пяці да дзесяці дзён. Юнакі праходзяць вучэбна-палявыя зборы, дзяўчаты — мэдыцынскую практыку. Больш за тое, пераход навучэнцаў у 11-ю клясу ажыцьцяўляецца па выніках дадзенага мерапрыемства, бо выніковая адзнака за 10-ю клясу ўключае абавязковую адзнаку за вучэбна-палявыя зборы і мэдыцынскую практыку“, — расказала яна дзяржаўнаму выданьню СБ.
Заняткі будуць праходзіць на базах найбліжэйшых вайсковых частак, вайсковых катэдрах вну або ў спэцыялізаваных цэнтрах дапрызыўнай падрыхтоўкі. Дзесяць дзён збораў уключаюць у сябе 60 навучальных гадзін.
У школьнікаў будуць заняткі па тактычнай, фізычнай, вайскова-мэдыцынскай падрыхтоўцы, аказаньні першай дапамогі, а таксама шыхтавая падрыхтоўка, агнявая падрыхтоўка, абарона ад зброі масавага паражэньня, вывучэньне агульнавайсковых статутаў.
Форум