Дакумэнт, як вынікае са зьвестак Фэдэральнага рэестру краіны, быў падпісаны 10 красавіка. Ён мае на ўвазе таксама і падаўжэньне на год шэрагу ўведзеных у дачыненьні да Расеі санкцый, а таксама другасных абмежаваньняў у дачыненьні да замежных фінансавых інстытутаў, якія супрацоўнічаюць з падсанкцыйнымі расейскімі суб’ектамі.
Рэжым надзвычайнага становішча ў сувязі са «шкоднаснай дзейнасьцю» Расеі быў уведзены 15 красавіка 2021 году — яшчэ да расейскага поўнамаштабнага ўварваньня ва Ўкраіну, адміністрацыяй папярэдніка Трампа — Джо Байдэна. Пасьля гэты рэжым працягваўся і пашыраўся іншымі ўказамі Байдэна, дзеяньне якіх таксама працягнутае.
Да «шкоднасных дзеяньняў» тады аднесьлі спробы перашкодзіць правядзеньню выбараў, кібератакі супраць ЗША, «заступніцтва міжнароднай карупцыі» і «парушэньне агульнапрынятых прынцыпаў міжнароднага права», а таксама ціск расейскіх уладаў на дысыдэнтаў і журналістаў за мяжой, падрыў бясьпекі ў стратэгічных для Вашынгтона рэгіёнах і парушэньне прынцыпаў міжнароднага права, уключаючы непавагу да тэрытарыяльнай цэласнасьці іншых дзяржаў. Канкрэтна Ўкраіна ва ўказе ня згадваецца.
Форум