«Мы спадзяемся, што вяртаньне забытых і невядомых твораў узбагаціць нашу культуру і будзе важнай сувязьзю для нас з нашымі каранямі і нашай гісторыяй. У альбом таксама ўвойдуць творы сучасных кампазытараў, напісаныя на вершы расстраляных паэтаў, няхай памяць аб іх гучыць! Будуць у альбоме і вядомыя сучасныя творы беларускіх артыстаў у харавых апрацоўках, якія знойдуць новае гучаньне», — распавялі ўдзельнікі «Вольнага хору» пра новы альбом у Фэйсбуку.
Для запісу альбому неабходна сабраць 4700 эўра. Грошы пойдуць на запіс зьвядзеньне, мастэрынг, дызайн і падрыхтоўку накладу.
Пасьля запісу альбом плянуюць разьмясьціць на ўсіх музычных анлайн-пляцоўках зь бясплатным доступам, а таксама выдаць наклад кружэлак для бясплатнага распаўсюду.
«Мы будзем удзячны за любую фінансавую падтрымку і распаўсюд гэтай інфармацыі, калі для вас гэта бясьпечна!» — зьвяртаюцца да беларусаў удзельнікі «Вольнага хору».
Падтрымаць новы альбом «Вольнага хору» можна па спасылцы.
- «Вольны хор» — культурны рух музыкаў, артыстаў, сьпевакоў з народу, які ўзьнік у жніўні 2020 году і стаў адным з сымбаляў беларускага пратэсту. Многія сьпевакі вымушаныя былі выехаць зь Беларусі ад перасьледу і ціску.
Форум