«У нас у Магілёўскай вобласьці ёсьць добрыя пляцоўкі з энэргетычнымі магутнасьцямі, усё неабходнае для таго, каб будаваць дата-цэнтры, майнінгавыя фэрмы, — цытуюць чыноўніка дзяржаўныя СМІ. — Было атрымана дабро [ад Лукашэнкі]. Мы рыхтуем гэтыя пляцоўкі, каб праводзіць конкурсы, каб заходзіў інвэстар і займаўся будаўніцтвам».
4 сакавіка Лукашэнка даручыў міністру энэргетыкі Аляксею Кушнарэнку разьвіваць у Беларусі здабычу крыптавалют.
«Паглядзіце па гэтым майнінгу. Усё больш людзей да мяне зьвяртаюцца. Калі нам гэта выгадна, давайце будзем рабіць, — сказаў ён. — У нас лішак электрычнасьці ёсьць. Няхай робяць яны гэтую крыптавалюту і гэтак далей. Тым больш, вы бачыце, якім шляхам сьвет ідзе. І асабліва найбуйнейшая эканоміка сьвету. Яны ўчора абвясьцілі, што ў рэзэрве будуць трымаць (2 сакавіка прэзыдэнт ЗША Дональд Трамп абвясьціў аб намеры стварыць дзяржаўны рэзэрв крыптавалют)».
Працэс майнінгу зьвязаны з высокім спажываньнем электраэнэргіі. Сёлета ў студзені Лукашэнка выказаў меркаваньне, што другую атамную электрастанцыю можна было б пабудаваць на поўдзень ад Магілёва.
У сярэдзіне сакавіка ён, выступаючы ў Савеце Фэдэрацыі РФ, пацьвердзіў пляны па будаўніцтве ў Беларусі другой АЭС.
Форум