Дата дня
15 сакавіка 1994 году Вярхоўны Савет Рэспублікі Беларусь прыняў першую Канстытуцыю незалежнай Беларусі. Апазыцыя БНФ у галасаваньні ня ўдзельнічала, бо выступала супраць увядзеньня пасады прэзыдэнта, заявіўшы, што гэта прывядзе да дыктатуры. Канстытуцыю падпісаў старшыня Вярхоўнага Савету Мечыслаў Грыб.
Дзень у гісторыі
1923 — Рада амбасадараў Лігі нацыяў прызнала дэмаркацыйную лінію між Польшчай і Літвой дзяржаўнай мяжой.
1990 — Міхаіл Гарбачоў быў абраны першым прэзыдэнтам СССР.
1994 — Вярхоўны Савет Беларусі прыняў Канстытуцыю Рэспублікі Беларусь.
2013 — моцны сьнежны цыклён «Хавэр» у Беларусі.
2017 — у Горадні, Магілёве і Менску прайшлі «Маршы недармаедаў» супраць Дэкрэту № 3 аб сацыяльным утрыманстве. Акцыі пратэсту скончыліся масавымі затрыманьнямі. Паводле праваабарончага цэнтру «Вясна», агулам па Беларусі ў гэты дзень затрымалі 77 чалавек.
У гэты дзень нарадзіліся
1722 — Габрыэль Лянкевіч, архітэктар, рэктар Полацкага езуіцкага калегіюму.
1781 — Юзаф Завадзкі, віленскі кнігавыдавец.
1862 — Францішак Вярэнька, беларускі краязнавец і археоляг.
1868 — Яўген Ляцкі, беларускі крытык, гісторык літаратуры, дасьледчык беларускага фальклёру.
1881 — Аляксей Назарэўскі, палітык, сэнатар у міжваеннай Польшчы.
1903 — Арсен Арсенка, опэрны сьпявак, народны артыст Беларусі.
1930 — Жарэс Алфёраў, ляўрэат Нобэлеўскай прэміі па фізыцы, ураджэнец Беларусі.
1940 — Ірына Шыкунова, беларуская опэрная сьпявачка, народная артыстка БССР.
1980 — Марына Шукюрава (Руся), сьпявачка.
У памяці
1938 — Васіль Шаранговіч, дзяржаўны дзяяч БССР (расстраляны).
1962 — Артур Комптан, амэрыканскі фізык, ляўрэат Нобэлеўскай прэміі.
1981 — Рэнэ Клер, францускі рэжысэр.
