У размове з ФБР ён прызнаўся, што навучаў валоданьню зброяй двух з чатырох удзельнікаў атакі, гаворыцца на сайце амэрыканскага Міністэрства юстыцыі.
Як гаворыцца ў паведамленьні, Махамад Шарыфула абвінавачаны ва ўдзеле ў тэрарыстычнай арганізацыі «Ісламская дзяржава», а таксама ў матэрыяльнай дапамозе дзеяньням, якія пацягнулі за сабой сьмерць людзей.
Выданьне Axios раней паведамляла, што Шарыфула затрыманы ў Пакістане. Паводле інфармацыі амэрыканскіх уладаў, ён быў дастаўлены ў ЗША, дзе павінен стаць перад судом у Вірджыніі.
Паведамляецца, што падазраваны прызнаўся агентам ФБР, што на заданьне «Вілаят Харасан» — філіялу «Ісламскай дзяржавы» — ён рыхтаваў людзей, якія хацелі ўзяць удзел у атаках на заданьне арганізацыі. Акрамя таго, ён прызнаўся ў асабістым удзеле ў некалькіх нападах, учыненых «Ісламскай дзяржавай».
Паводле сьледзтва, Шарыфула ўдзельнічаў у падрыхтоўцы атакі на аэрапорт Кабулу ў жніўні 2021 году, калі загінулі 183 чалавекі, у тым ліку сьмяротнік, які ладзіў напад. У 2016 годзе ён рыхтаваў напад на канадзкае пасольства ў Кабуле, тады загінулі больш за 10 чалавек.
Шарыфулу пагражае пажыцьцёвы тэрмін. Масква затрыманьне не пракамэнтавала. Атака на «Крокус» адбылася 22 сакавіка 2024 году. Тады загінулі 145 чалавек, меркаваных нападнікаў затрымалі.
Форум