«Украінская і амэрыканская каманды аднавілі працу, і мы спадзяёмся, што на наступным тыдні ў нас будзе зьмястоўная сустрэча», — напісаў Зяленскі ў сацсетцы X без удакладненьня дэталяў.
Журналістка Fox News Джэкі Гайнрых сьцьвярджае, што перамовы пачнуцца ў аўторак, 11 сакавіка, у Эр-Рыядзе. Журналіст Axios Барак Равід піша пра сераду.
Спэцпасланьнік амэрыканскага прэзыдэнта па Ўкраіне і Расеі Кіт Келаг, выступаючы ў Радзе міжнародных адносін, заявіў, што Трамп імкнецца спыніць гвалт, а не прадставіць украінскую вайну як перамогу аднаго боку над другім, што ўцягнула б ЗША ў бясконцую проксі-вайну з Расеяй. Паводле яго, тое, што адбылося ў Авальным кабінэце падчас сустрэчы Трампа і Зяленскага, стала вынікам адрозьненьняў у падыходах і мэтах двух бакоў.
Прыпыненьне дапамогі Ўкраіне ў сфэры бясьпекі і выведкі, адзначыў ён, зьяўляецца наступствам дзеяньняў Украіны, а ЗША такім чынам спрабуюць падштурхнуць улады краіны да перамоваў. Ён падкрэсьліў, што дапамога знаходзіцца на паўзе, але гэта не канец і спачатку трэба падпісаць пагадненьне.
Форум