Пра гэта піша ўзбэцкая служба Радыё Свабода. Мэтай ініцыятывы называецца ўмацаваньне пазыцый узбэцкай мовы.
Лінгвісты прапанавалі ўзбэцкія альтэрнатывы пакуль толькі трыццаці замежным словам. Сярод іх такія, як dostavka — yetkazish; navigator — yo‘llagich; selfi — o‘zchekim; svetofor — yo‘lchiroq; oprava — ko‘zoynak bandi; keshbek — hadya-qaytim; poverbank — kuchlantirgich.
Прадстаўнікі рабочай групы заклікалі ўзбэкаў актыўна ўдзельнічаць у абмеркаваньні нацыянальных аналягаў замежных слоў. Ва Узбэкістане ўзбэцкая мова дзяржаўная, нароўні з каракалпацкай. Пры гэтым у краіне налічваецца больш за 900 школ, дзе навучаньне вядзецца на расейскай мове, у краіне таксама ёсьць расейскамоўныя катэдры ў ВНУ і расейскамоўныя дзіцячыя сады.
У чэрвені 2021 году верхняя палата парлямэнту Ўзбэкістану ўхваліла закон аб дзяржаўнай мове ў новай рэдакцыі. Разам з гэтым былі ўнесеныя зьмяненьні ў Кодэкс аб адміністрацыйнай адказнасьці, якія прадугледжваюць штрафы для службовых асоб ва Ўзбэкістане за невыкарыстаньне дзяржаўнай мовы ў справаводзтве.
Форум