Сьцьвярджаецца, што затрыманьне праводзіў асабіста кіраўнік ведамства Васіль Малюк, а пра ўсе этапы апэрацыі ён наўпрост інфармаваў прэзыдэнта Ўкраіны Ўладзіміра Зяленскага.
З словаў Малюка, СБУ задакумэнтавала 14 эпізодаў супрацьпраўнай дзейнасьці Казюры.
«З дапамогай шыфраваных праграмных закладак мы праніклі ў гаджэты здрадніка — мабільныя тэрміналы, кампутары. Мы фактычна зь ім жылі, праводзілі аўдыё- і відэакантроль. У працэсе нам удалося якасна задакумэнтаваць збор і перадачу здраднікам адпаведнай інфармацыі ворагу», — заявіў Малюк.
Спэцслужба паведамляе, што дзякуючы гэтаму СБУ доўгі час «перадавала ворагу дэзынфармацыю». У публікацыі няма імені затрыманага, але ёсьць ягонае фота, з дапамогай якога можна ўстанавіць і асобу. Інфармацыю пра тое, што быў затрыманы менавіта Казюра, пацьвярджаюць украінскія СМІ.
У адкрытых крыніцах амаль няма інфармацыі пра затрыманага. У відэа, апублікаваным СБУ, Малюк кажа, што Казюра ўзначальваў Антытэрарыстычнае ўпраўленьне СБУ з 2016 году.
Форум