Хроніка 6 сьнежня: у Жлобіне пакаралі падлетка, які сарваў дзяржаўны сьцяг

Падлетак сарваў дзяржаўны сьцяг і атрымаў год «хатняй хіміі»

Судом Жлобінскага раёна за зьдзек з дзяржаўных сымбаляў (арт. 370 Крымінальнага кодэкса) асуджаны навучэнец мясцовага каледжа Канстанцін Ціхаміраў, паведаміла «Вясна».

Паводле праваабаронцаў судзьдзя Сьвятлана Андрэева прысудзіла хлопцу адзін год абмежаваньня волі без накіраваньня ў папраўчую ўстанову адкрытага тыпу («хатняй хіміі»).

Суд адбыўся 4 лютага, і не ў будынку Жлобінскага суду, а ў актавай зале дзяржаўнага металюргічнага каледжу, дзе ён навучаецца.
Пра ўчынак Ціхамірава вядома, што ён залез на дах гіпермаркета «Эўраопт» і зьняў адтуль дзяржаўны чырвона-зялёны сьцяг, які пазьней выкінуў у сьметніцу.

ГЛЯДЗІЦЕ ТАКСАМА:

Хроніка перасьледу 5 лютага: падлетка з Ваўкавыску асудзілі за зрэзаны дзяржаўны сьцяг; у Мёрах і Паставах суды за «экстрэмізм»