Пад фіктыўнымі транзытнымі перавозкамі ў гэтым кантэксце маюцца на ўвазе сытуацыі, калі тавар прызначаны для рэалізацыі ў іншых краінах, але разгружаецца ў Расеі.
Паводле ацэнкі Максімава, штогадовая шкода, якая наносіцца расейскаму бюджэту такімі схемамі, складае 58,5 млрд расейскіх рублёў (больш за 600 млн даляраў паводле актуальнага курсу Цэнтрабанку РФ).
У мэтах скарачэньня нелегальнага абарачэньня 27 студзеня 2025 году набылі моц новыя патрабаваньні аб абавязковым выкарыстаньні навігацыйных плёмбаў для перавозак тытунёвай прадукцыі паміж Расеяй і Беларусьсю. Гэта мусіць дазволіць адсочваць дакладнае месцазнаходжаньне партый тытунёвых вырабаў, фіксаваць спробы ўскрыцьця ці зьмены маршруту.
Кантрабанда беларускіх тытунёвых вырабаў — адна з істотных праблем, зь якой сутыкаюцца суседнія зь Беларусьсю краіны Эўразьвязу.
Асабліва цярпяць ад гэтага Літва, дзе памежнікі ў 2024 годзе перахапілі больш за 1 млн 386 тыс. пачкаў цыгарэт, і Польшча, на тэрыторыі якой рэгулярна затрымліваюцца ўдзельнікі кантрабандных схемаў.
Форум