Трамп перад інаўгурацыяй зноў паабяцаў спыніць вайну ва Ўкраіне і папярэдзіў «Талібан» пра зброю

20 студзень 2025, 10:03

Абраны прэзыдэнт ЗША Дональд Трамп зноў заявіў, што даб’ецца спыненьня баявых дзеяньняў паміж Украінай і Расеяй, а таксама заявіў, што будзе патрабаваць ад талібаў вярнуць амэрыканскую вайсковую тэхніку на мільярды даляраў, пакінутую ў Афганістане ў 2021 годзе.

«Я скончу вайну ва Ўкраіне, я спыню хаос на Блізкім Усходзе і не дапушчу трэцяй усясьветнай вайны», — сказаў Дональд Трамп на мітынгу на Capital Arena у Вашынгтоне 19 студзеня, за дзень да сваёй інаўгурацыі.

Аналітыкі кажуць, што ў блізкай пэрспэктыве будзе цяжка спыніць вайну ва Ўкраіне, бо кіраўнік Расеі Ўладзімір Пуцін лічыць, што ён перамагае, і ня мае стымулу спыняць баі.

Мітынг Трампа быў першым у горадзе пасьля 6 студзеня 2021 году, калі яго прыхільнікі штурмавалі Капітолій. Выступ Трампа ўключаў кароткі выклад пунктаў, дзе ён казаў, чаго дасягне на працягу наступных чатырох гадоў дома і за мяжой, у тым ліку гаварыў пра ўмацаваньне войска.

Трамп прынясе прысягу ў якасьці 47-га прэзыдэнта 20 студзеня апоўдні. Упершыню за 40 гадоў цырымонія пройдзе ў Капітоліі, прычына — маразы.

Як праходзілі інаўгурацыі прэзыдэнтаў ЗША апошнія 100 гадоў. ФОТА

1/17 Картэж прэзыдэнта Кэлвіна Куліджа (бяз шапкі на заднім сядзеньні галоўнай машыны) пасьля ягонай другой інаўгурацыі 4 сакавіка 1925 г. Цырымонія была першай, што трансьлявалася па нацыянальным радыё. Гэта дазволіла каля 23 млн амэрыканцаў настроіць прымачы на прамову новага прэзыдэнта.

Натоўп зьбіраецца на лужку і даху Капітолію, каб паслухаць інаўгурацыйную прамову прэзыдэнта Гербэрта Гувэра 4 сакавіка 1929 году.<br />
<br />
Дату інаўгурацыі першапачаткова прызначылі на 4 сакавіка, але ў спробе скараціць пэрыяд «кульгавай качкі» паміж адміністрацыямі, папраўка да Канстытуцыі ў 1933 годзе пастанавіла, што будучыя інаўгурацыі будуць праводзіцца 20 студзеня. — 2/17 Натоўп зьбіраецца на лужку і даху Капітолію, каб паслухаць інаўгурацыйную прамову прэзыдэнта Гербэрта Гувэра 4 сакавіка 1929 году.

Дату інаўгурацыі першапачаткова прызначылі на 4 сакавіка, але ў спробе скараціць пэрыяд «кульгавай качкі» паміж адміністрацыямі, папраўка да Канстытуцыі ў 1933 годзе пастанавіла, што будучыя інаўгурацыі будуць праводзіцца 20 студзеня.

Новапрадстаўлены прэзыдэнт Франклін Дэлано Рузвэльт (у цэнтры ў паласатым гальштуку) прыбывае ў Белы дом са сваёй жонкай Элеанорай і сынам Джэймсам 4 сакавіка 1933 году. Прэзыдэнт будзе працаваць нечуваныя чатыры тэрміны, з 1933 па 1945 гг.<br />
<br />
Канстытуцыйная папраўка 1951 году скараціла колькасьць магчымых прэзыдэнцкіх тэрмінаў да двух. — 3/17 Новапрадстаўлены прэзыдэнт Франклін Дэлано Рузвэльт (у цэнтры ў паласатым гальштуку) прыбывае ў Белы дом са сваёй жонкай Элеанорай і сынам Джэймсам 4 сакавіка 1933 году. Прэзыдэнт будзе працаваць нечуваныя чатыры тэрміны, з 1933 па 1945 гг.

Канстытуцыйная папраўка 1951 году скараціла колькасьць магчымых прэзыдэнцкіх тэрмінаў да двух.

Прэзыдэнт Гэры Трумэн зьвяртаецца са сваім пасланьнем з Капітолію 20 студзеня 1949 году.<br />
<br />
Прамова адкрыла адзіную поўную кадэнцыю Трумэна. У час Рузвэльта ён працаваў віцэ-прэзыдэнтам і пачаў скарочаны першы тэрмін прэм'ерства пасьля сьмерці Рузвэльта ў красавіку 1945 году.. — 4/17 Прэзыдэнт Гэры Трумэн зьвяртаецца са сваім пасланьнем з Капітолію 20 студзеня 1949 году.

Прамова адкрыла адзіную поўную кадэнцыю Трумэна. У час Рузвэльта ён працаваў віцэ-прэзыдэнтам і пачаў скарочаны першы тэрмін прэм'ерства пасьля сьмерці Рузвэльта ў красавіку 1945 году..

5/17 Каўбой Монці Мантана выклікае сьмех у сабраных гасьцей, накідаючы ласо на прэзыдэнта Дуайта Д. Эйзэнгаўэра падчас інаўгурацыйнага параду 20 студзеня 1953 году. Эйзэнгаўэр прабыў на пасадзе два поўныя тэрміны.

6/17 Картэж прэзыдэнта Джона Кенэдзі (бяз шапкі ў галоўнай машыне) пад'яжджае да Пэнсыльванія-авэню пасьля яго інаўгурацыі 20 студзеня 1961 году. Кенэдзі быў забіты ў лістападзе 1963 году.

7/17 Ліндан Б. Джонсан прымае прысягу ў якасьці 36-га прэзыдэнта краіны ў Капітоліі 20 студзеня 1965 г. Інаўгурацыя стала яго другой пасьля таго, як ён заняў пасаду прэзыдэнта пасьля забойства Кенэдзі.

8/17 Новы прэзыдэнт Рычард Ніксан (зьлева) і ягоная сям'я вітаюць сям'ю папярэдняга прэзыдэнта Джонсана 20 студзеня 1969 году. Ніксана выбіралі ў Белы дом двойчы, але на сярэдзіне другой кадэнцыі ён пайшоў у адстаўку пасьля Ўотэргейтскага скандалу.

9/17 Джэральд Форд прысягае як 38-ы прэзыдэнт ЗША ў Белым доме, на што пазірае ягоная жонка Бэці. Інаўгурацыя адбывалася 9 жніўня 1974 году, у дзень адстаўкі Рычарда Ніксана.

10/17 Удзельнік інаўгурацыйнага параду на ролікавых каньках салютуе прэзыдэнту Джымі Картэру на цырымоніі яго ўступленьня на пасаду 20 студзеня 1977 году.

11/17 Прэзыдэнт Рональд Рэйган і першая лэдзі Нэнсі вітаюць публіку са свайго лімузыну ў час інаўгурацыі 20 студзеня 1981 году. Рэйган правёў у Белым доме дзьве кадэнцыі.

12/17 Прэзыдэнт Джордж Буш і першая лэдзі Барбара Буш вітаюць натоўп на Пэнсыльванія-авэню. 41-ы прэзыдэнт заступіў на пасаду 20 студзеня 1989 году.

Біл Клінтан прымае прысягу разам са сваёй жонкай Гілары і дачкой Чэлсі 20 студзеня 1993 г. Клінтан будзе займаць пасаду два тэрміны.<br />
<br />
Новыя прэзідэнты павінны прысягнуць «добрасумленна кіраваць штабам прэзыдэнта» і «захоўваць, абараняць і абараняць Канстытуцыю Злучаных Штатаў». — 13/17 Біл Клінтан прымае прысягу разам са сваёй жонкай Гілары і дачкой Чэлсі 20 студзеня 1993 г. Клінтан будзе займаць пасаду два тэрміны.

Новыя прэзідэнты павінны прысягнуць «добрасумленна кіраваць штабам прэзыдэнта» і «захоўваць, абараняць і абараняць Канстытуцыю Злучаных Штатаў».

14/17 Прэзыдэнт Джорд Буш-малодшы і жонка Лаура (зьлева) на прыступках Капітолію зь віцэ-прэзыдэнтам Дыкам Чэйні і ягонай жонкай Лін (справа) пасьля іхнай інаўгурацыі 20 студзеня 2001 году. Буш быў прэзыдэнтам цягам двух тэрмінаў.

15/17 Прэзыдэнт ЗША Барак Абама і былы прэзыдэнт Джордж Буш пакідаюць цырымонію з заходняга боку Капітолію. На цырымоніі Абама прысягнуў як 44-ы прэзыдэнт ЗША. Абама правёў на пасадзе два тэрміны.

16/17 Прэзыдэнт Дональд Трамп і першая лэдзі Мэланія пасьля інаўгурацыйнага параду на Пэнсыльванія-авэню 20 студзеня 2017 году.

17/17 Прэзыдэнт ЗША Джо Байдэн махае людзям рукой, стоячы са сваёй жонкай Джыл на паўночным порціку Белага дому пасьля інаўгурацыі 20 студзеня 2021 году.

Падчас сваёй прамовы Трамп заявіў, што Злучаныя Штаты даюць талібам у Афганістане «мільярды даляраў на год» і што ён спыніць гэта, калі экстрэмісцкая групоўка ня верне амэрыканскай тэхнікі на мільярды.

Злучаныя Штаты пакінулі ў Афганістане вайсковую тэхніку на суму каля 7 мільярдаў даляраў, калі хаатычна выйшлі з Афганістану ў жніўні 2021 году, а талібы вярнулі кантроль над сталіцай Кабулам і неўзабаве ўсёй дзяржавай.

Захоп талібамі прывёў да спаду эканамічнай сьпіралі: больш за палову з амаль 24-мільённага насельніцтва краіны мае патрэбу ў гуманітарнай дапамозе, напрыклад у прадуктах харчаваньня, па зьвестках USAID. Злучаныя Штаты выдзелілі Афганістану больш за 2,1 мільярда даляраў на гуманітарную дапамогу з моманту захопу краіны талібамі.

ГЛЯДЗІЦЕ ТАКСАМА:

Дзейная і новая адміністрацыя ЗША спрыялі дамове аб спыненьні агню ў Газе

Тэмы гэтага артыкулу

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.