Глядзіце размову на відэа цалкам
Тут фрагмэнт гутаркі
— Мы запісваем гэтае інтэрвію адразу пасьля таго, як Уладзімір Пуцін уручыў Аляксандру Лукашэнку ордэн Андрэя Першазваннага, найвыйшэйшую расейскую ўзнагароду, якую ў Расейскай імпэрыі прысуджалі і віленскаму генэрал-губэрнатару Міхаілу Мураўёву, вядомаму ў гісторыі як «Вешальнік». Калі адкінуць фармальныя патасныя словы падчас урачыстай цырымоніі, то за што насамрэч узнагароджвае Ўладзімір Пуцін Аляксандра Лукашэнку?
— Наколькі я разумею, гэты ордэн уручаецца за вернасьць Расеі. Пасьля 2020 году Лукашэнка пасьлядоўна гэтую вернасьць дэманструе. Вядома, не ад вялікай, шчырай любові да Расеі, а не ад добрага жыцьця, бо ня мае ўнутранай легітымнасьці, ня мае іншых моцных крыніц зьнешняй легітымнасьці, і таму вымушаны ў самых розных сфэрах абапірацца на падтрымку Расеі, палітычную, эканамічную і, калі спатрэбіцца, то і вайсковую. Хоць і з усім гэтым ёсьць складанасьці, іншай опцыі Лукашэнка для сябе ня бачыць, таму так гэтую вернасьць Расеі дэманструе. І ў вайне падтрымаў, адзіны такі рэальны саюзьнік, тэрыторыю сваю прадаставіў. Чаму б не ўзнагародзіць?
Да таго ж гэтая ўзнагарода для самой Расеі нічога не каштуе. Гэта ж ня нафтай узнагароджваць. З другога боку, як у нейкую выспу ставяць сьцяжок, маўляў гэта наша, так і такія ўзнагароды — добрая магчымасьць прадэманстраваць, што гэта наша, не чапайце, гэта нам падначалены, не спрабуйце нечага зь ім рабіць. Лукашэнку можна парадавацца прыгожаму ордэну — прыгожа вісіць, блішчыць, але, як па мне, тут радасьці і няшмат, бо Расея цудоўна разумее, што Лукашэнка — гэта прагматычны, цынічны палітык, які больш за ўсё любіць сваю ўладу...
«ПіК Свабоды»
«ПіК Свабоды» — гэты штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум