На гэтыя пытаньні Юрыя Дракахруста ў праграме «ПіК Свабоды» адказвае кіраўнік Народнага антыкрызіснага ўпраўленьня (НАУ), намесьнік старшыні Аб’яднанага пераходнага кабінэту Павал Латушка.
— Як улада Беларусі адрэагуе на літоўскі пазоў? У прыватнасьці, ці могуць спыніцца выбарачныя памілаваньні палітвязьняў? Магчыма, Лукашэнка раззлуецца і спыніць памілаваньні, а на мяжу зь Літвой пашле натоўп мігрантаў?
— Давайце адкажам на базавае пытаньне. Ці павінна злачынства, якое ўчыняецца ў адносінах да беларусаў, быць пакаранае? Ці павінен злачынца, які захапіў уладу ў Беларусі, панесьці адказнасьць? Калі мы лічым, што гэта непатрэбна, бо ёсьць рызыка пэўных дзеяньняў зь ягонага боку — тады давайце спынімся і ня будзем спрабаваць прыцягнуць яго да адказнасьці за жудасныя злачынствы. Ён даваў загад забіваць беларусаў, ён даваў і дае загады катаваць беларусаў у турмах, ён стварае атмасфэру жаху і тэрору ў краіне. Беларусаў перасьледуюць, змушаюць пакінуць сваю краіну. Ці нам не рэагаваць на гэта, бо ён можа пайсьці на іншыя крокі? Я лічу, што гэта абсалютна няправільны падыход. Бо гэта спрыяе поўнай беспакаранасьці. Мы адказваем адназначна: злачынец, бандыт павінен быць прыцягнуты да адказнасьці.
Якія крокі ён можа зрабіць адносна Літвы? Праўных — ніякіх. Беларуская нацыянальная юрысдыкцыя не распаўсюджваецца на кіраўніцтва Літвы. Я мяркую, што Літва, прымаючы рашэньне аб пазове ў МКС, улічвала, што можа зрабіць у адказ рэжым Лукашэнкі. Трэба аддаць належнае Літве. Гэта — не буйная краіна. Але гэта краіна з гонарам. І яна ставіць правы чалавека на першае месца. Яе палітыка адпавядае інтарэсам беларускага народу. Гэта гістарычны момант у адносінах нашых народаў, калі літоўскі ўрад стаіць на баку ахвяраў рэпрэсіяў у Беларусі.
Пра рыхтаваньне літоўскага пазову ў МКС, прэцэдэнты гэтага звароту і яго далёкасяжныя наступствы глядзіце відэа гутаркі з Паўлам Латушкам:
«ПіК Свабоды»
«ПіК Свабоды» — гэты штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум