Маршруткі павінны будуць аснашчацца плацёжнымі тэрміналамі. Гэта вынікае з пастановы Савету міністраў і Нацыянальнага банку за нумарам № 740/22, якая апублікаваная на Нацыянальным прававым інтэрнет-партале.
Пералік аб’ектаў і відаў дзейнасьці, дзе юрыдычныя асобы і індывідуальныя прадпрымальнікі (ІП) павінны выкарыстоўваць плацёжныя тэрміналы, дапоўнены пунктам «гарадзкія аўтамабільныя перавозкі пасажыраў у рэгулярных зносінах аўтобусамі катэгорыі М2».
Гэтае рашэньне ўступае ў сілу зь 1 лістапада 2025 году.
Таксама пастановай на год адсунуты тэрмін уступленьня ў сілу нормы аб выкарыстаньні кас пры прыёме наяўных і безнаяўных плацяжоў. Гэтая норма пачне дзейнічаць адбудзецца зь 1 ліпеня 2026 году, а не 2025-га, як было ўсталявана раней.
Форум