Прычына пераносу рэйсу невядомая. Роўна тыдзень таму была такая ж сытуацыя на гэтым жа кірунку: борт вылецеў у сталіцу Польшчы з 9-гадзіннай затрымкай (10 верасьня ў 0:48).
Цяпер Андрэй Мялешка з дачкой ужо ў Варшаве. Пра гэта ён паведаміў «Белсату».
Апошнія тры гады горадзенскі журналіст жыў у Батумі, куды эміграваў праз пагрозу рэпрэсій на радзіме. Там адкрыў краму беларускай нацыянальнай сымболікі, працаваў на розныя СМІ.
У Кутаісі з Варшавы Мялешка і яго дачка прыбылі позьнім вечарам 15 верасьня. Актывіста не прапусцілі празь мяжу. У яго і дачкі спачатку забралі пашпарты, а затым тэлефоны, якія вярнулі перад вылетам самалёта ў Варшаву. У дакумэнце, які Мялешка атрымаў у аэрапорце, значылася, што яго не прапусцілі “зь іншых прычын”.
У Грузіі ў Мялешкі засталіся жонка і яшчэ адна дачка.
Форум