21 траўня — Дзень салідарнасьці зь беларускімі палітвязьнямі. У гэты дзень у 2021 годзе ў беларускай турме памёр палітзьняволены Вітольд Ашурак. Ягоная сьмерць стала першай у шэрагу некалькіх. Сёньня вядома пра сама меней 7 выпадкаў, калі палітвязьні памерлі ў турме ад жорсткага абыходжаньня і адсутнасьці належнай мэдыцынскай дапамогі.
21 траўня па ўсім сьвеце праходзяць акцыі салідарнасьці зь беларускімі палітвязьнямі.
На Катэдральнай плошчы ў Вільні беларусы зладзілі пэрформанс, які сымбалізуе супрацьстаяньне жанчын у белым і сілавікоў. Таксама на акцыі зладзілі інсталяцыю «Вітальны стол» з імёнамі палітзьняволеных і пачастункамі для вязьняў, якія выйдуць з турмы і якіх будуць сустракаць накрытым сталом.
Свабода падрыхтавала фотарэпартаж з акцыі.
Форум