Сярод 51 чалавека, якія апынуліся пад санкцыямі, акрамя расейцаў, ёсць таксама людзі, якія маюць яшчэ і грамадзянства Ўкраіны, Латвіі, Кіпру і Вялікай Брытаніі.
Санкцыі таксама ўвялі супраць 134 кампаній — у асноўным з тэрыторыі Расеі, але ёсьць і ТАА «Аўтадэль ГАЗ», якое працуе ў Крыме. Пераважная большасьць кампаній паходзяць з тэрыторыі РФ, але таксама ёсьць і тыя, што працуюць на акупаванай тэрыторыі Ўкраіны — у Крыме.
Пад санкцыі трапіла і адна беларуская кампанія — таварыства з абмежаванай адказнасьцю «Масштабныя рашэньні». Супраць яе санкцыі ўвялі тэрмінам на 5 гадоў. Кампаніі заблякуюць актывы, цалкам спыняць правядзеньне ёй гандлёвых апэрацый на тэрыторыі краіны, а таксама транзыт рэсурсаў, палётаў і перавозак праз тэрыторыю Украіны, заблякуюць вывад капіталаў за межы Украіны, анулююць ці прыпыняць дзеяньне ліцэнзій і іншых дазволаў на працу і інш.
Мяркуючы па інфармацыі на іх сайце, кампанія зьяўляецца чальцом ПВТ і займаецца распрацоўкай сыстэм электроннага дакумэнтазвароту і электронных сховішчаў дадзеных для розных сэктараў эканомікі. Напрыклад, яны распрацавалі сыстэму электроннага дакумэнтазвароту «ТЫТУЛ».
